«وتانىما ورالعىم كەلەدى»

36 جاستاعى گەنناديدىڭ تۋمىسىنان اياعىنىڭ قان تامىرلارى زاقىمدانىپ, مۇگەدەك بولىپ قالعان ەدى. قۇدايعا قۇلشىلىق ەتەتىندىكتەن, اندا-ساندا قازان قالاسىنداعى قاسيەتتى جەرلەرگە ءتاۋ ەتىپ قايتاتىن ادەتى بار. بىلتىر 2 قازاندا كەزەكتى ءمىناجات ساپارىنا اتتانىپ, كوپكە دەيىن حابار-وشار بولماعانىنا الاڭداعان تۋىستارى پوليتسياعا قايرىلعان. ىزدەستىرۋ شارالارى بارىسىندا رەسەيدە قامالعانى انىقتالادى. ول تۋرالى ەسىل اۋدانىندا تۇراتىن اكەسى لەونيد پولتاۆەتس اڭگىمەلەپ بەردى. – قايتار جولدا ۇلىم بارلىق قۇجاتتارى مەن اقشاسىنا قوسا ۇيالى تەلەفونىن دا ۇرلاتىپ العان. جەكە باسىن كۋالاندىراتىن ايعاق بولماعاندىقتان سولتۇستىك قازاقستان وبلىسىمەن شەكارالاس قورعان قالاسىندا ۋاقىت­شا ۇستاۋ وقشاۋلاعىشىنا جاۋىپ تاستاعان. مۇنداعىلار تەز بوسايتىنىنا سەندىرگەنىمەن, بىرنەشە اي ۇستاعان. ونىڭ سەبەبىن قازاقستاننىڭ كونسۋلدىعىنا جىبەرىلگەن وتىنىمگە جاۋاپ حاتتىڭ كەشىگۋىمەن تۇسىندىرگەن. بىرىڭعاي ەكونوميكالىق وداق تۇزىلگەلى ەكى ەل اراسىندا كىدىرىسسىز ءجۇرىپ-تۇرۋ دا, حات-حابار الىسۋ راسىمدەرى دە الدەقايدا وڭايلانعانى بەلگىلى. مەنى قوس تاراپ جاۋاپتى ورىندارىنىڭ مۇگەدەك جاننىڭ تاعدىرىنا دەگەن نەمقۇرايلى كوزقاراسى قىنجىلتادى. گەنناديدىڭ ەلگە دەگەن ساعىنىشتى سەزىمى شەكاراعا كەلگەندە تاعى دا سۋ سەپكەندەي باسىلعان. ونىڭ بۇل ارەكەتىنە شەكارانى زاڭسىز كەسىپ ءوتتى دەگەن قىلمىستىق ايىپ تاعىلىپ, ءبىراز ۋاقىت كىدىرۋىنە تۋرا كەلگەن. لەونيد الەكساندروۆيچپەن كەيىن حابارلاسقانىمىزدا, ۇلىنىڭ امان-ەسەن كەلە جاتقانىن قۋانا جەتكىزدى. ءومىر ەسقالي, «ەگەمەن قازاقستان» سولتۇستىك قازاقستان وبلىسى