باۋىرلاس ەلمەن بىرلەسە تابىس تابۋدىڭ ءتيىمدى جولى

ولاي دەيتىنىمىز, مەملەكەت باسشىسى نۇرسۇلتان نازارباەۆتىڭ قازاقستان حالقىنا ارناعان «قازاقستاننىڭ ءۇشiنشi جاڭعىرۋى: جاھاندىق باسەكەگە قابiلەتتiلiك» اتتى جولداۋى بۇل باعىتتاعى جۇمىستىڭ ساپالى دا ناتيجەلى بولۋىن مىندەتتەيدى. جولداۋدا باسىمدىعى بار سالالارداعى باسەكەگە قابىلەتتى ەكسپورتتىق ءوندىرىستى دامىتۋدى كوزدەيتىن يندۋستريالاندىرۋدى جالعاستىرۋ كەرەكتىگى ايتىلدى.ۇكىمەتكە قازىردىڭ وزىندە 2025 جىلعا قاراي شيكىزاتتىق ەمەس ەكسپورتتى 2 ەسە ۇلعايتۋ مىندەتتەلدى. تاياۋدا شىمكەنت قالاسىنداعى «Rixos Khadisha Shymkent» قوناقۇيiندە وتكەن قازاقستان-تۇركيا ينۆەستيتسيالىق فورۋمى دا جولداۋ جۇكتەگەن مىندەتتەردى جۇزەگە اسىرۋدان تۋىنداعان ىزگى قادام­داردىڭ العاشقىسى بولسا كەرەك. تۇرiك كەڭەسi باس حاتشىسىنىڭ ورىنباسارى ومەر كودجامان باستاعان كاسiپكەرلەر دەلەگاتسياسى مەن 200-گە تارتا تۇرiك ينۆەستورلارى جانە جەرگiلiكتi كاسiپكەرلەر, تيiستi سالا باسشىلارى, قارجى ينستيتۋتتارى وكiلدەرi قاتىسقان فورۋمدا وبلىس اكiمi ج.تۇيمەباەۆ وڭiرگە ينۆەستيتسيا تارتۋ جولدارى, ەكونوميكالىق الەۋەت, جولداۋ جۇكتەگەن مiندەتتەر جونiندە باياندادى. ءوڭىردىڭ بارلىق اۋداندارىندا ينۆەستورلارمەن جۇمىس ىستەيتىن ارنايى موبيلدىك توپتار قۇرىلعان. «رەسپۋبليكاداعى جىلىجايلاردىڭ 87 پايىزى وڭتۇستىك قازاقستان وبلىسىندا ورنالاسقان. تامشىلاتىپ سۋارۋ, ينتەنسيۆتى باۋلار بويىنشا الدىڭعى قاتاردامىز. بۇدان بولەك, وبلىستىڭ اۋماعىندا ءىرى كەن ورىندارى كوپتەپ شوعىرلانعان. وبلىس ۋران قورى بويىنشا ەلىمىزدە 1-ورىندا, فوسفوريت پەن تەمىر رۋدالارى بويىنشا 3-ورىندا. رەسپۋبليكا بويىنشا ماقتانىڭ 100 پايى­زىن, ءجۇزىم مەن باقشا داقىلدارىنىڭ 70 پايىزىن وندىرەدى. ال يندۋستريالاندىرۋ باعدارلاماسى اياسىندا جوبالاردى ىسكە اسىرۋ بويىنشا 1-ورىندا», دەدى تۇركيالىق كاسىپكەرلەرگە وڭىردەگى مۇمكىندىكتەردى ءمالىم ەتكەن وبلىس اكىمى. پلەنارلىق وتىرىستا جاساعان باياندامالارىندا تۇرiك كەڭەسi باس حاتشىسىنىڭ ورىنباسارى ومەر كودجامان, تۇرىك رەس­پۋبليكاسى ۇلتتىق ەكونوميكا ميني­سترiنiڭ كەڭەسشiسi تارىك سونمەز, تۇركياداعى «OSTIM» يندۋستريالىق ايماقتاردى باس­قارۋ جانە قۇرۋ حالىق­ارالىق وپە­را­تورىنىڭ باسقارما توراعاسى ورحان اي­دىن, تۇركيانىڭ ساكاريا قالاسىنداعى ساۋدا-ونەركاسiپ پالاتاسىنىڭ باسقارما توراعاسى ماحمۋت كوسەمۋسۋل باۋىرلاس ەلدiڭ ۇيىمداسقان يندۋستريالىق ايماقتار قۇرۋ جونiنەن دە تاجiريبەسi مول ەكەنىن اڭعارتتى. مىسالى, ساكاريا قالاسىنداعى ساۋدا-ونەركاسiپ پالاتاسىنىڭ باسقارما توراعاسى ماحمۋت كوسەمۋسۋلدىڭ ايتۋىنشا, تۇركيا 2023 جىلعا قاراي ەكسپورت كولەمiن 500 ملرد دوللارعا, جالپى ساۋدا اينالىمىن 1 ترلن دوللارعا جەتكiزiپ, الەمنiڭ دامىعان ەلدەرiنiڭ وندىعىنا كiرۋدi كوزدەپ وتىر. وسى ارادا ايتا كەتەلىك, فورۋم اياسىندا «وڭتۇستىك» يندۋستريالىق ايماعىنىڭ عيماراتىنان تۇرىك رەسپۋبليكاسىنىڭ «Ostim» يندۋس­تيريالىق ايماعىنىڭ وكىلدىگى اشىلدى. «وڭتۇستىك» يندۋستريالىق ايماعى ءۇشىن بۇل باعىتتا تاجىريبە الماسۋدىڭ ماڭىزى زور. ويتكەنى, انكاراداعى 5200 كاسىپورىننىڭ باسىن بىرىكتىرگەن «Ostim» يندۋستريالىق ايماعى 50 جىلدان بەرى دامۋدىڭ ۇزدىك تاجىريبەسىن كورسەتىپ كەلەدى. ال ينۆەستيتسيالار جانە دامۋ مينيسترلiگi ينۆەستيتسيالار كوميتەتiنiڭ توراعاسى ساپاربەك تۇياقباەۆ وڭتۇستiك قازاقستان وبلىسىنداعى «وڭتۇستiك» ارنايى ەكونوميكالىق ايماعىندا كا­سiپ­كەرلەر ءتۇرلi سالىق رەجىمدەرiنەن بو­ساتىلعانىن, پايىزى تومەن نەسيەگە قول جەتكiزە الاتىنىن اتاپ ءوتتى. سونىمەن بiرگە, س.تۇياقباەۆ تۇرiك ينۆەستورلارىنىڭ بۇگىندە ەلiمiزدەگi 65 iرi كومپانيا مەن حولدينگتەردى جەكەشەلەندiرiلۋ اكتسيا­سىنا دا قاتىسۋعا مۇمكiندiگi بارىن جەتكiزدi.فورۋمنىڭ پلەنارلىق وتىرىسىنان سوڭ قوس تاراپتىڭ iسكەر توپتارى مەن تيiستi سالا باسشىلارى اراسىندا ءوزارا ىنتىماقتاستىقتى نىعايتۋ جونiندەگi مەموراندۋمدارعا قول قويىلدى. اتاپ ايتقاندا, «OSTIM» مەن «وڭتۇستiك» يندۋستريالىق ايماقتاردىڭ باسقارۋشى كومپانياسى, ساكاريا قالاسى ساۋدا-ونەركاسiپ پالاتاسى مەن وقو كاسiپكەرلەر پالاتاسى جانە «شىمكەنت» اكك ۇق» اق, سونىمەن بiرگە, «Volkan Ambalaj» تۇرiك كومپانياسى مەن «وڭتۇستiك اەا» باسقارۋشى كومپانياسى جانە انتاليا پروۆينتسياسى مەن وبلىستىق دەن­ساۋلىق ساقتاۋ باسقارمالارى اراسىندا iسكەرلiك بايلانىستى كۇشەيتۋ بويىنشا ەكiجاقتى كەلiسiمشارتتار جاسالدى. سونداي-اق, تۇرiك جانە جەرگiلiكتi كاسiپكەرلەرمەن ۆ2ۆ ۇلگiسiندە ەنەرگەتيكا, اۋىل شارۋاشىلىعى, تۋريزم, قۇرىلىس, مەديتسينا جانە فارماتسەۆتيكا, حيميا, تاماق, توقىما ونەركاسiپتەرi جانە وزگە دە سالالار بويىنشا ەكi جاقتى كەلiسسوزدەر جۇرگiزiلدi. فورۋمنىڭ ەكiنشi كۇنi شىمكەنت قالاسىنداعى «كورمە» ورتالىعىندا ءوڭiردiڭ تاۋار وندiرۋشiلەرi وندiرگەن 50-دەن استام ءونiم ءتۇرi كەلۋشiلەر نازارىنا ۇسىنىلدى. بۇل شارادا وبلىستىڭ تۋريستiك اگەنتتiكتەرi, «سايرام-وگەم مەملەكەتتiك ۇلتتىق تابيعي پاركi», «ازiرەت سۇلتان» مەملەكەتتiك تاريحي-مادەني قورىق-مۇراجايى, «Kainar» قوناق ءۇيi سەكiلدi قىزمەتi تۋريزمگە باعىتتالعان مەكەمەلەر دە باۋىرلاس ەل كاسىپكەرلەرىن قىزىقتىرار دۇنيەلەر ۇسىندى. كاسىپكەرلەر وبلىستىڭ وندiرiستiك الەۋەتiنە جوعارى باعا بەردi.سونىمەن قاتار, فورۋمنىڭ ءۇشىنشى كۇنى دەلەگاتتار كونە شاھار تۇركiستاندا, وتىرار اۋدانىنداعى «وتىرار توبە» قالاشىعىندا بولدى. «ارىستان باب» كەسەنەسىنە زيارات جاساپ, دۇعا باعى­ش­تادى. مارتەبەلى مەيمانداردى كۇتىپ العان وتىرار اۋدانىنىڭ اكىمى ەرلان ايتاحانوۆ بولاشاقتا جۇزەگە اسىرىلاتىن جوبالارمەن تانىستىرىپ, باۋىرلاس ەلدىڭ وكىلدەرىن ءوڭىردىڭ تۋريزم سالاسىنا ينۆەستيتسيا سالۋعا شاقىردى. وتكەن جىلى «وتىرار توبە» قالاشىعىنا كەلگەن 110 مىڭنان استام ءتۋريستىڭ 5 مىڭى شەتەلدىك ساياحاتشىلار ەكەنىن ءمالىم ەتكەن اۋدان اكىمى ەكسپو-2017 حالىقارالىق كورمەسى قارساڭىندا «ارىستان باب» كەسەنەسىنەن باستاپ «وتىرار توبە» قالاشىعىنا دەيىنگى ارا­لىق كوشەنىڭ حالىقارالىق تالاپتارعا ساي كورىكتەندىرىلەتىنىن ايتتى. سونداي-اق, دەلەگاتتار تۇركىستان قالاسىنداعى قوجا احمەت ياساۋي كەسەنەسىن دە ارالاپ, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە بولدى. عالىمجان ەلشىباي, «ەگەمەن قازاقستان» وڭتۇستىك قازاقستان وبلىسى