عالىمدار قاۋىمىنىڭ قولداۋى

ورتالىق كوممۋنيكاتسيالار قىزمەتىندە مەملەكەت باسشىسى­نىڭ قازاقستان حالقىنا جولداۋىنا ارنالعان بريفينگ ءوتتى. وعان بەلگىلى عالىم, ەكونوميست, قازاقستان جوعارى وقۋ ورىندارى قاۋىمداستىعىنىڭ توراعاسى راحمان الشانوۆ, اتىراۋ مۇناي جانە گاز ۋنيۆەرسيتەتىنىڭ رەكتورى ءالي ابىشەۆ پەن حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى دامير شىنىبەكوۆ قاتىستى. بريفينگتە عالىمدار ەلباسى جولداۋىنداعى ءبىلىم جانە عىلىم ماسەلەسىنە قاتىستى ءوز پىكىرلەرىن ءبىلدىردى. – بۇگىنگى كۇندە قازاقستان حالقى ءۇشىن كوپتەگەن باعدار­لاما­لار ىسكە اسىرىلىپ كەلەدى. ءبىز, عالىمدار قاۋىمى ەل­باسىنىڭ «قازاقستاننىڭ ءۇشىن­شى جاڭ­عىرۋى: جاھان­دىق باسەكەگە قابى­لەتتىلىك» جول­داۋىندا اتا­عان باستامالارىن تولىقتاي قول­دايتىنى تۋرالى مالىمدەيمىز. پرەزيدەنت ءوزىنىڭ جول­داۋىندا ەلىمىزگە دامىعان 30 ەلدىڭ قاتارىنا قوسىلۋعا ءمۇم­­كىن­دىك بەرەتىن كەلەسى ماڭىز­دى باعىتتارعا ەكپىن بەردى. ولار – ەكونوميكانى قارقىن­دى ءتۇر­دە تەحنولوگيالىق جاڭعىر­تۋ, ءداستۇرلى نەگىزگى سالالار­دى دامىتۋ, ەڭبەك نارىعىن جاڭ­عىر­تۋ, ماكروەكونوميكا­لىق تۇراق­­تى­لىق; ادامي كاپيتالدىڭ ساپا­سىن كوتەرۋ, ينستيتۋتتىق تۇرلەن­دىرۋ, قاۋىپسىزدىك, سىبايلاس جەمقور­لىقپەن كۇرەس, ­– دەدى ر.الشانوۆ. سونىمەن بىرگە, ول پرەزيدەنت باستامالارىنىڭ قازىرگى زامان تالاپتارىنا ساي ەكەنىن, ونىڭ جولداۋدا ەڭ الدىمەن ءبىلىم بەرۋ جۇيەسىنىڭ ءرولىن وزگەرتۋگە ەرەكشە نازار اۋدارعانىن اتاپ ءوتتى. «مەملەكەت باسشىسى جول­داۋدا ءىت-ءبىلىم, قارجىلىق ساۋاتتىلىقتى قالىپتاستىرۋ مەن پاتريوتتىق تاربيەنىڭ وزەك­تىلىگىن اتاپ كورسەتتى. مۇ­نىڭ بارلىعى جاستاردىڭ بويىندا مەم­لە­كەتىمىزدىڭ جاڭا دامۋ كەزەڭىندە قاجەتتى, ءومىر ءۇشىن ماڭىزدى جاڭا داعدىلار مەن قابىلەتتەردى قالىپتاستىرا­دى. ءبىلىم بەرۋ جۇيەسىندە ءىت-سالا­نىڭ قارقىندى دامۋى جانە مۇعالىمدەر بىلىك­تىلىگى­نىڭ جوعارى­لاۋى قالا مەن اۋىل مەك­­تەپ­­­تەرى­نىڭ اراسىن­داعى ءبىلىم ساپا­سى­نىڭ ايىر­ما­شىلىعىن ازاي­تۋ­عا سەپتىگىن تيگىزەرى اي­قىن», – دەدى ول. كەزدەسۋدە ءالي ابىشەۆ جاس­تار ءۇشىن ەڭ ماڭىزدى ماسەلە – جۇمىسقا ورنالاسۋ ماسەلەسى ەكە­نىن, وسىعان بايلانىستى ەلباسى ءوز جولداۋىندا جۇ­مىس­­كەرلەردىڭ جاڭا زامان سالا­لارى­نىڭ ماماندىقتارىنا كوشۋى ءۇشىن قولايلى جاعدايلار جاساۋ مىندەتىن قويعانىن ايتتى. وسىعان وراي ول ءوزى قىزمەت ەتەتىن اتىراۋ مۇناي جانە گاز ۋني­ۆەر­سيتەتىندە دۋالدى وقۋ باع­دار­لاماسىنىڭ جۇرگىزىلىپ جاتقانىن مىسالعا كەلتىردى. «پرەزيدەنت ەڭبەكپەن قامتۋدىڭ جاڭا جول كارتاسىن ازىرلەۋ قا­جەت­تى­لىگىن اتاپ ءوتتى. ءبىزدىڭ ءبىلىم ورداسى ستۋ­دەنت­تەردىڭ بوس ۋاقىتىن­دا جۇ­مىس ىستەپ, تاجىريبە جيناۋى­نا ءمۇم­كىندىك بەرىپ وتىر. مىسالى, ءبىز ستۋ­دەنتتى وقىتىپ قانا قوي­ماي, ونى كاسىبي مامان رەتىندە ءتار­­­بيە­ل­ەپ, ءوز ءىسىنىڭ ناعىز شەبە­رىنە, ما­­ما­نىنا اينالدىرۋ ءۇشىن جۇ­­مىس جاساپ جاتىرمىز», – دەدى ول. ال حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى جولداۋداعى «تسيفرلىق قازاقستان» باعدارلاماسىنىڭ ءمانى مەن ماڭىزىن ايتىپ, بولا­شاقتا ەلىمىز اقپاراتتىق جاعىنان دامىعان, ەڭ وزىق مەملەكەتتەردىڭ قاتارىنان كورىنگىسى كەلسە, قازىردەن باستاپ جەر-جەردە, ەل-ەلدە ينتەرنەت جۇيەسىن جەتىلدىرۋ كەرەكتىگىن اتاپ ءوتتى. داستان كەنجالين, «ەگەمەن قازاقستان»