ۇنقاتىسۋ جالعاستىرىلادى

پارلامەنت سەناتىنىڭ توراعاسى قاسىم-جومارت توقاەۆ چەحيا پارلامەنتى دەپۋتاتتار پالاتاسىنىڭ توراعاسى يان گاماچەكپەن كەزدەستى, دەپ حابارلادى   قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى. ق.توقاەۆ بۇل ساپار قازاق­ستان مەن چەحيا پارلامەن­تتەرى اراسىنداعى بەلسەندى قاتى­ناس­تاردىڭ كورىنىسى ەكەنىن اتاپ ءوتتى. بۇعان دەيىن ەكى ەلدىڭ سەناتورلارى اراسىندا ەكىجاقتى جەمىستى ساپارلار بولعان ەدى. توراعانىڭ پىكىرىنشە, ەكى ەل اراسىنداعى زاڭنامالىق تاجىريبەنى جەتىل­د­ىرۋگە, ءارى دوستىق قارىم-قاتى­ناس­تاردى دامىتۋعا پارلامەنتتەر اراسىنداعى ۇنقاتىسۋدى جالعاستىرۋ قاجەت. ق.توقاەۆ الداعى كونستي­تۋ­تسيا­­لىق رەفورما تۋرالى ءجا­نە مەملەكەت باسشىسىنىڭ «قا­زاق­ستاننىڭ ءۇشىنشى جاڭ­عىرۋى: جاھاندىق باسەكەگە قابى­لەتتىلىك» جولداۋىنىڭ ماڭىزدى اس­پەكتىلەرى جونىندە كەڭىنەن حاباردار ەتتى. «مەملەكەت باسشىسى نۇرسۇلتان نازارباەۆتىڭ ج­اڭا سايا­سي باستاماسىنىڭ نەگىزى – مەم­لەكەتتىك باسقارۋدا پرەزي­دەنت­تىك سيپات ساقتالا وتىرىپ, ەل­دە جۇرگىزىلىپ جاتقان رەفور­ما­لار­­دىڭ جاي-كۇيىنە پارلامەنت پەن ۇكى­مەتتىڭ جاۋاپكەرشىلىگىن كۇشەيتۋ بولىپ وتىر», – دەپ اتاپ ءوتتى ق.توقاەۆ.