بۋرابايعا قامقورلىق قاجەت

سولتۇستىك قازاقستان جاع­داي­ىن­دا ەكونوميكالىق با­سى­م­دىقتاعى تۋريزم قىس­قى تۋري­زم­گە قاتىستى ينفرا­قۇ­رى­لىمدى ءتيىمدى دامىتۋ ار­قى­لى قانات جاياتىنى ءمالىم. بۇل باعىتتا اقمولا وبلىسىن­دا ايتارلىقتاي جۇمىستار اتقا­رى­لۋدا جانە ونىڭ الەۋەتىن ارت­تى­رۋدا يگەرىلۋىن كۇتكەن ماسە­لە­لەر دە جوق ەمەس. وسى ورايدا ششۋچە-بۋراباي كۋرورتتى ايماعىندا جىل بويى قىزمەت كورسەتەتىن «وقجەتپەس», «الماز», «زەلەنىي بور», «ششۋچينسك», س.سەيفۋللين اتىن­دا­عى شيپاجاي, «Rixos Borovoe», «پارك حاۋس كوكشەتاۋ», «تەرراسسا­ پارك», «سامال» وتەل­دە­رى جانە باسقا دا دەمالىس ورىن­دارى تارتىمدىلىعىمەن تا­نىلعانىن اتاپ وتكەن ءجون. قىسقى ماۋسىمدا مۇندا كور­سە­تىلەتىن قىزمەتتىڭ اۋقىمى كەڭە­يە تۇسەتىنى قۇپتارلىق. ءاسى­رە­سە, مە­ديتسينالىق ءتۋريزمنىڭ ساباق­تاس­­تىعى تارتىمدىلىققا يە. ءبىز وبلىستىق تۋريزم باسقارماسى ۇيىمداستىرعان پرەسس-تۋرلار بارىسىندا ەمدەۋ-ساۋىقتىرۋ ورىندارىنىڭ بارلىعىندا دەرلىك تىنىس الۋ جانە جۇرەك-قان تامىرلارى, بۋىن اۋرۋلارىن ەمدەۋ تيىمدىلىگى ارتقاندىعىن بايقادىق. تاجىريبەلى ماماندار فيزيوتەراپيا, مينەرالدى سۋلار مەن بالشىق, ينە جانە گەرۋدوتەراپيانىڭ تيىمدىلىگىن ارتتىرعان. كەسەلدى ءدال انىقتاۋ, ەم-دوم بەلگىلەۋدە زاماناۋي مەديتسينالىق قۇرال-جابدىقتار پايدالانىلادى. تۋريستىك نىسانداردا بەلسەن­دى دەمالىس ايرىقشا نازاردا ۇس­تا­لادى. ماسەلەن, «اق جەلكەن» پانسيوناتىندا تاۋ جانە جۇگىرۋ شاڭعىلارى جالعا بەرىلىپ, 300 مەترلىك اسپالى جول جۇمىس ىستەپ تۇر. ال «نۇرتاۋداعى» اسپالى جولدىڭ ۇزىندىعى 640 مەتر­گە جەتەدى. تىنىعۋشىلارعا قوناق ۇيلەر, ءدامحانا, مونشا قىزمەت ەتەدى. كاسىبي سپورتپەن اينالىسۋشىلارعا تسسكا شاڭعى بازاسى قولايلى مۇمكىندىكتەر جاساپ وتىر. وسى رەتتە, قىسقى ءتۋريزمنىڭ بارلىق تۇرلەرى قامتىلاتىن رەسپۋبليكالىق شاڭعى بازاسى سالىنىپ جات­قان­دى­عىن دا ايتا كەتكىمىز كەلەدى. كەشەن حالىقارالىق ستاندارتقا ساي ۇشپا شاڭعى جولىن, بياتلون الاڭدارىن بىرىكتىرسە, 184 ورىندىق قوناق ءۇي, 100 ورىندىق ءدامحانا, حاۋىز, مەديتسينالىق وڭالتۋ ورتالىعى, تورەشىلەر پاۆيلونى, كوماندالار بولمەلەرى, كو­رەرمەندەر تريبۋناسى پاي­دا­لا­نۋعا تولىق دايىندالعان. «بۋراباي» ارنايى ەكو­نو­مي­­كالىق ايماعىندا قىس­قى ءتۋريزمدى دامىتۋدىڭ وزىق ۇلگىلەرى بوي كوتەرۋدە. ە­ل­ پرەزيدەنتىنىڭ باستاماسىمەن «قازاقستان لاپلاندياسى» ويىن-ساۋىق كەشەنى, رەسپۋب­لي­­­­كامىزداعى تۇڭعىش ۆەيك-پارك تابىستى جۇمىس ىستەپ تۇر. بىزگە بەرىلگەن مالىمەت بويىنشا, «قازاقستان لاپلاندياسى» جىل سايىن 50 مىڭ تۋريستكە قىزمەت كورسەتەدى ەكەن. ايماقتىق ءتۋريزمدى دامىتۋ جانە بۋرابايدىڭ جۇك­تەمەسىن ازايتۋ شارالارى دا جوسپارلى جۇرگىزىلۋدە. زە­رەن­دى دەمالىس ايماعىندا «قازمۇنايگاز-سەرۆيس» سەرىك­تەس­تى­گىنىڭ «سۇڭ­قار» ساۋىقتىرۋ كە­شەنى تى­نى­عۋ­شىلاردىڭ دۋماندى ورداسى­نا اينالدى. وسى اۋدانداعى «ەلىكتى Park» تاۋ شاڭعىسى بازاسى جاز ايلارىندا كەڭ كولەمدى قايتا قۇرۋ جۇمىستارىن جۇرگىزدى. قازىر بەس قاباتتى 100 ورىندىق قوناق ءۇيدىڭ پايدالانۋعا بەرىلۋى قوناقتار لەگىن كوبەيتىپ وتىر. مۇندا ەرەسەكتەرگە ارنالعان اسپالى جول مەن بالالاردىڭ «بەبي ءليفتى» دە ورناتىلعان. سونداي-اق, زەرەندىدەگى رەس­پۋب­ليكالىق «اۋەسقوي شاڭعى سپورتى وداعى» دەمالىس ايما­عىنىڭ مۇمكىندىكتەرى دە كەڭەي­تىل­دى. مۇنداعى 500 مەترلىك شاڭ­عى جولى تۇنگى جارىقپەن قام­تا­ما­سىز ەتىلگەن. سپورتشىلار مەن تۋريستەرگە جايلى جاتىن ورىن­دار مەن ۇلتتىق سيپاتتاعى مون­شالاردىڭ, ۇسىنىمى مول جالعا بەرۋ ورنىنىڭ قىزمەتى كوڭىلدەن شىعاتىنى ايتىلۋدا. شاڭعى ستاديونىندا ءداستۇرلى حالىقارالىق زەرەندى شاڭعى مارافونى وتكىزىلىپ تۇرادى. ولكەنىڭ تابيعاتى تامىل­جى­­عان اقكول قالاسىندا جەكە كاسىپكەر ك.باتپەنوۆ «SharZhum» تۋريستىك قىزمەت ورتالىعىن اشىپ وتىر. مۇندا شاڭعى بازاسى, 40 ورىندىق قوناق ءۇي, 100 ورىندىق مەيرامحانا, فيتنەس-زال جۇمىس ىستەيدى. جىل بويى قىزمەت كورسەتەتىن ورتالىقتىڭ ۋاقىت تالابىنا ساي جابدىقتالعانىن اتاپ وتۋگە بولادى. ساندىقتاۋ اۋدانىنداعى شاڭ­­عى-روللەرلىك بازاسى تى­نى­عۋشىلاردىڭ سۇيىكتى ورنى­نا اينالعان. مۇندا ءتۇرلى سپورت­تىق, تۋريستىك شارالارمەن قاتار الەم چەمپيونى يۆان گارا­نيننىڭ قاتىسۋىمەن ارداگەر شاڭعىشىلاردىڭ ءداستۇرلى رەسپۋبليكالىق مارافونى وتكىزىلىپ تۇرادى. سونىمەن بىرگە, قورعالجىن كولدەرىندە جىل سايىن اۋەسقوي بالىقشىلار فەس­تي­ۆالىنىڭ تۋى كوتەرىلەتىنى دە عانيبەت. «ءبىز قىسقى ءتۋريزمنىڭ تار­تىم­دىلىعىن ارتتىرۋ, ينۆەستيتسيا تارتۋ ماقساتىندا جىل سايىن تۋريستىك فورۋمدار, كورمەلەر ۇيىمداستىرامىز», دەيدى بىزبەن اڭگىمەسىندە وبلىس­تىق تۋريزم باسقارماسىنىڭ باسشىسى شىناربەك باتىرحانوۆ. بۇل شارالارعا ءتۇرلى دەڭ­گەي­دەگى تۋريستىك وپەراتور­لار, مە­نەد­جەرلەر, ۇلتتىق پارك, شي­پاجايلار, بالالاردىڭ ساۋىق­تىرۋ ورتالىقتارىنىڭ, وقۋ ورىن­د­ارىنىڭ وكىلدەرى قاتىسادى. ءۇستى­مىزدەگى جىلدىڭ وزىندە «قىس­قى دەمالىستىڭ ۇزدىك نىسانى», «قىسقى دەمالىستىڭ ۇزدىك تۋرى», «قىسقى ءتۋريزمنىڭ ۇزدىك ۇيىمداستىرۋشىسى», «ۇزدىك اقپاراتتىق-جارناما اگەنتتىگى» اتالىمدارى بويىنشا ەلۋدەن استام مەموراندۋمعا قول قويىلدى. بۇگىنگى جۇمىستىڭ جۇيە­لى جۇرگىزىلىپ جاتقانىن وسى باعىتتاعى قىزمەتپەن باي­لا­­نىستىرۋعا دا بولادى. سوعان قارا­ماستان, پايدالانىلماي جاتقان رەزەرۆتەر بارشىلىق. قىسقى تۋريزم نىساندارىنىڭ سانى ءالى دە از, قىزمەت تۇرلەرىن كەڭەيتىپ, ساپاسىن جاقسارتۋ قاجەت. شىناربەك بۇركىتباي ۇلى مۇ­نىڭ سەبەبىن تۋريزم نى­سان­دارىنىڭ قىسقى ماۋسىمدا جابىق تۇراتىنىمەن نەمەسە قو­ناق ءۇي تۇرىندە عانا قىزمەت ەتە­تىنىمەن بايلانىستىرادى. ءويت­كەنى, جىلۋ, جارىق, سۋمەن قامتاماسىز ەتۋ, تاعى باسقا شى­عىن­دار ءوزىن اقتامايدى. اتالعان جۇيە­نىڭ تولىق جۇكتەمەمەن جۇ­مىس ىستەۋى ءۇشىن جىلۋ-ەلەكتر قۋاتىنىڭ جەڭىلدىك تا­ريف­تەرىن قاراستىرۋ, نەسيەلەۋ باعىتىنداعى ىقپالداستىق, تۋريستىك نىسانداردىڭ كىرمە جولدارىن تارتىپكە كەلتىرۋ قاجەتتىگى وزەكتى بولىپ تۇر. باقبەرگەن امالبەك, «ەگەمەن قازاقستان» اقمولا وبلىسى