زاڭدى تۇلعالارعا بەرىلەتىن نەسيە پايىزى ازايۋدا

2016 جىلدىڭ قورىتىندىسى بويىنشا بانكتەردىڭ زاڭدى تۇلعالارعا ۇلتتىق ۆاليۋتادا بەرگەن كرەديتتەرى بويىنشا مولشەرلەمەلەردىڭ 2016 جىلعى قاڭتارداعى ەڭ جوعارعى 25,8%-دىق ماننەن 2016 جىلعى جەلتوقساندا 14,4%-عا دەيىن بىرتىندەپ تومەندەۋى بايقالدى. تەڭگەمەن كرەديتتەر بويىنشا مولشەرلەمەلەردىڭ تومەندەۋىنە قىسقامەرزىمدى وتىمدىلىكپەن احۋالدىڭ جاقسارۋى, بانكتىك قىزمەتتەر نارىعىندا باسەكەلەستىكتىڭ كۇشەيۋى, ۇلتتىق بانكتىڭ بازالىق مولشەرلەمەسىنىڭ جانە ىشكى قورلاندىرۋ قۇنىنىڭ تومەندەۋى ىقپال ەتتى. وسىلايشا, تەڭگەمەن كرەديتتىك رەسۋرستار ايتارلىقتاي قولجەتىمدى بولۋدا, تيىسىنشە, كاسىپورىنداردىڭ اعىمداعى قىزمەتىن قارجىلاندىرۋ كوزى رەتىندە قاراستىرىلۋدا. مولشەرلەمەنىڭ وڭ سەرپىنى ساقتالعان جاعدايدا نەگىزگى كاپيتالعا ينۆەستيتسيالار كوزى رەتىندە تەڭگەمەن كرەديتتەۋدىڭ ءرولى ارتادى. كرەديتتەر بويىنشا مولشەرلەمەنىڭ تومەندەۋى بەرىلەتىن قارىزدار كولەمىندە بايقالدى. 2015 جىلمەن سالىستىرعاندا كاسىپورىندارعا ۇلتتىق ۆاليۋتادا بەرىلگەن كرەديتتەر 2,2%-عا 5 549,3 ملرد. تەڭگەگە دەيىن ءوستى, بۇل رەتتە 55%-ى بازالىق مولشەرلەمەنىڭ نەعۇرلىم تومەن كەزەڭىندە - ەكىنشى جارتىجىلدىقتا بەرىلدى. ۇلتتىق ۆاليۋتامەن كرەديتتەردىڭ ايتارلىقتاي كولەمى ەكونوميكانىڭ ساۋدا (52,6%), ونەركاسىپ (27,5%), قۇرىلىس (5,5%) سياقتى سالالارىنىڭ كاسىپورىندارىنا باعىتتالعان بولاتىن.