2017 جىلى 4,4 مىڭ شاقىرىم جولدا جۇمىس جۇرگىزىلەدى

2020 جىلعا قاراي قازاقستان لوگيستيكا تيىمدىلىگى رەيتينگى بويىنشا الەمدەگى وزىق 40 ەلدىڭ قاتارىنا كىرۋدى جوسپارلاپ وتىر, دەپ حابارلادى قر ينۆەستيتسيالار جانە دامۋ مينيسترلىگى. «2016 جىلى كولىك سالاسىنداعى نيك 103,8% قۇرادى. قازاقستان لوگيستيكانىڭ (LPI) تيىمدىلىگى بويىنشا حالىقارالىق رەيتينگتە 88-ورىننان 77-ورىنعا كوتەرىلدى, ال 2020 جىلى الەمدەگى وزىق 40 ەلدىڭ قاتارىنا كىرۋ جوسپارلانىپ وتىر», - دەلىنگەن حابارلامادا. قازاقستاندىق اۋە كومپانيالاردىڭ ەۋروپالىق وداق ەلدەرىنە ۇشۋىنا قويىلعان بارلىق شەكتەۋلەر الىندى. ەندى ەكسپو-2017 كورمەسى كەزىندە تۋريستەرگە قىزمەت كورسەتۋ ءۇشىن استانا قالاسىنا ۇشاتىن اۋە رەيستەرىنىڭ سانىن ارتتىرۋ ءۇشىن «اشىق اسپان» جوباسىن باستاۋ كوزدەلىپ وتىر. ۆەدومستۆودا اتاپ وتكەندەي, «نۇرلى جول» مەملەكەتتىك باعدارلاماسىنا سايكەس, رەسپۋبليكالىق ماڭىزى بار اۆتوجولدىڭ 913 كم قوزعالىس اشىلدى, جوبالاردى ىسكە اسىرۋ بارىسىندا شامامەن 75 مىڭ ادام جۇمىسقا تارتىلدى. 2017 جىلى 4,4 مىڭ شاقىرىم جولدا جۇمىس جۇرگىزىلەدى, وعان 100 مىڭ ادام تارتىلادى. جىل سوڭىنا دەيىن 600 كم جول پايدالانۋعا بەرىلەدى. 2020 جىلعا دەيىن 6 مىڭ كم جولدا اقىلى جۇيە ەنگىزىلسە, ونىڭ ىشىندە 2017 جىلى 700 كم جول اقىلى بولادى.