قىتايدا ءۇش مىڭ جىل بۇرىن ءومىر سۇرگەن قولتىراۋىننىڭ سۇيەگى تابىلدى

قىتايدا جەرگىلىكتى ارحەولوگتار ءۇش مىڭ جىل بۇرىن ءومىر سۇرگەن قولتىراۋىننىڭ سۇيەكتەرىن تاپتى. بۇل تۋرالى lenta.ru حابارلادى. China Daily مالىمەتى بويىنشا ماماندار شەنسي پروۆينتسياسىنداعى سيان قالاسىندا جەر استى ۇڭگىرلەرىنىڭ ءبىرىن زەرتتەۋ كەزىندە تاپقان. ەكسپەديتسيا باسشىسى يۋەا ءليانتسزيانيانىڭ ايتۋىنشا, قولتىراۋىن باتىس چجوۋ ديناستياسىنىڭ تۇسىندا ءومىر سۇرگەن (11 عاسىردان ب.ز.د 771 جىلعا دەيىن). «بىزگە بىرنەشە مىڭ جىل بۇرىنعى قولتىراۋىندار جايلى ماڭىزدى مالىمەتتەر الۋىمىزعا سەپتىگى ءتيدى. بۇعان دەيىن مۇنداي قاڭقالار تەك ەلىمىزدىڭ وڭتۇستىگىنەن عانا تابىلعان. وسى سۇيەككە قاراپ, اسپاناستى ەلىنىڭ سولتۇستىك-باتىسىندا اۋا رايى تىم ىلعالدى بولعانىن, سونداي-اق قازبا جۇمىستارىنىڭ ماڭايىندا سۋ قويماسى نەمەسە بىرەنەشە شاعىن وزەن بولعانىن اڭعارۋعا بولادى», – دەيدى يۋەا ليانتسزيانيا. سونىمەن قاتار, زەرتتەۋ جۇمىستارى كەزىندە ارحەولوگتار ەجەلگى 10 قابىردى, بىرنەشە كومىلگەن قۇدىقتى, ۇيىندىلەردى, قولادان, تاستان, سۇيەكتەن, قىشتان جاسالعان بۇيىمداردى تاپتى.