«ورداباسىعا» جاڭا جاتتىقتىرۋشى تاعايىندالدى

شىمكەنتتىڭ «ورداباسى» فۋتبول كومانداسىنا جاڭا جاتتىقتىرۋشى تاعايىندالدى, دەپ حابارلايدى كلۋبتىڭ رەسمي سايتى. ۇجىمدى جاڭا ماۋسىمعا رەسەيلىك مامان الەكسەي پەترۋشين دايىندايدى. ول بۇعان دەيىن قازاقستان پرەمەر-ليگاسىندا بىرنەشە كلۋبتى جاتتىقتىرعان. «قايرات» سوڭعى رەت ەل چەمپيونى اتانعانىندا كلۋب تىزگىنى ءدال وسى جاتتىقتىرۋشىنىڭ قولىندا بولاتىن. سونىمەن قاتار, 2014 جىلى سەمەيدىڭ «سپارتاك» كومانداسىنا دا جەتەكشىلىك ەتكەن. الەكسەي پەترۋشين مەن «ورداباسى» اراسىنداعى كەلىسىمشارتتىڭ انىق-قانىعى ازىرگە بەلگىسىز. قازىرگى تاڭدا ول كوماندانى تۇركياداعى وقۋ-جاتتىعۋ جيىنىندا جاڭا ماۋسىمعا دايىنداۋدا. پەترۋشين قازاقستاندىق قوس كلۋبتان بولەك, ماسكەۋ مەن مينسكىنىڭ «ديناموسىن», تۋلانىڭ «ارسەنالىن», سونداي-اق «شيننيك», «حيمكي» جانە وزگە كوماندالاردى جاتتىقتىرعان. ال فۋتبولشىلىق عۇمىرىندا «دينامو ماسكەۋ» مەن «پاحتاكور» كلۋبتارىنىڭ نامىسىن قورعاعان. ايتا كەتەيىك, «ورداباسىنىڭ» بۇرىنعى باپكەرى باحتيار بايسەيىتوۆ قاڭتار ايىنان باستاپ كلۋب پرەزيدەنتى قىزمەتىنە سايلاندى.