لوندون اكىمى سادىق حاننىڭ ايتۋىنشا, وتكەن جىلى "يسلام مەملەكەتى" تەررورلىق ۇيىمىنان كەلەتىن قاۋىپ ايتارلىقتاي ۇلعايعان, دەپ جازادى Daily Star.
سادىق حاننىڭ ايتۋىنشا, پوليتسيانى قارجىلاندىرۋدىڭ قىسقارتىلۋى ەلدەگى قاۋىپسىزدىككە كەسىرىن تيگىزۋدە.
"ەگەر ۇكىمەت پوليتسيانى قارجىلاندىرۋعا شاماسى كەلمەسە, وندا قارجىلاندىرۋ ءتۇرىن وزگەرتەدى. لوندون ەلدىڭ استاناسى رەتىندە قاۋىپسىزدىككە باسىمدىلىقتى ساقتايدى", - دەدى سادىق حان.
ونىڭ ايتۋىنشا, پاريج, بەرلين, ىستامبۇلداعى لاڭكەستىكتەن كەيىن لوندون تەررورشىلاردىڭ ەندىگى كوزدەپ وتىرعان قالاسى بولۋى مۇمكىن.
سونىمەن قاتار سادىق حان ترامپ ساياساتىنىڭ لاڭكەستىكتى ودان سايىن قوزدىرىپ جىبەرەتىنىن ايتتى.
