وسى اپتا مۇناي باعاسىنا اسەر ەتۋشى فاكتورلار

وتكەن اپتا قورىتىندىسى بويىنشا مۇناي باعاسى دۇيسەنبىدەن بەرى قىمباتتاعانى بايقالدى. قارا التىن قۇنىنىنىڭ كوتەرىلۋى مۇناي ەكسپورتتاۋشى ەلدەردىڭ جاپپاي ءوندىرىستى ازايتۋىنا تىكەلەي بايلانىستى بولعانىن ايتادى ترەيدەرلەر. سونىمەن قاتار اقش-تىڭ يرانداعى مەملەكەتتىك كومپانيالار مەن لاۋازىمدى تۇلعالارعا قارسى سالعان جاڭا سانكتسيالارى دا مۇناي باعاسىن وسىرە ءتۇستى. جۇما كۇنى لوندون قور بيرجاسىندا برەنت ماركاسى باعاسى 0,25 دوللارعا قىمباتتاپ, 56,81 دوللارعا جەتتى. ال اپتا ىشىندە باعا 4 اپتالىق رەكوردتى جاڭارتىپ, 57,45-كە دەيىن بارعان ەدى. اسىرەسە وپەك ەلدەرى وكىلدەرىنىڭ مۇناي ءوندىرىسى جوسپارداعى كەستەگە ساي قىسقارتىلىپ جاتىر دەگەن مالىمدەمەسىنەن كەيىن باعا شارىقتاپ كەتتى. ەستەرىڭىزگە سالا كەتەيىك, وتكەن اپتا قازاقستاننىڭ ەنەرگەتيكا مينيسترلىگى رەسپۋبليكانىڭ مۇناي ءوندىرىسىن ازايتۋ تۋرالى كەلىسىم تالاپتارىن ارتىعىمەن ورىندالىپ جاتقانىن مالىمدەگەن ەدى. جالپى, وسى اپتادا مۇناي باعاسىنىڭ قۇبىلۋىنا تۇرتكى بولاتىن شارالاردىڭ ماڭىزدىلارى مىنالار: سەيسەنبى, 7 اقپان حالىقارالىق ەنەرگەتيكالىق اگەنتتىكتىڭ اقش مۇناي ەكسپورتى تۋرالى مالىمدەمەسى شىعادى. سارسەنبى, 8 اقپان اقش ەنەرگەتيكا مينيسترلىگى اقش مۇنايى مەن جانارماي قورى تۋرالى اپتالىق ەسەبى جاريالانادى. بەيسەنبى, 9 اقپان اقش ەنەرگەتيكا مينيسترلىگى اقش تابيعي گاز قورى تۋرالى اپتالىق مالىمدەمەسىن جاسايدى. جۇما, 10 اقپان Baker Hughes كومپانياسى اقش-تاعى بۇرعىلاۋ قۇرىلعىلارىنىڭ سانىن جاريالايدى.