ورالدا قر ۇلتتىق ۇلانى «باتىس» وڭىرلىك قولباسشىسى تاعايىندالدى

قر ىشكى ىستەر ءمينيسترىنىڭ بۇيرىعىمەن گەنەرال-مايور الىبەك بولات ۇلى سەراليەۆ قر ۇلتتىق ۇلانى «باتىس» وڭىرلىك قولباسشىسى بولىپ تاعايىندالدى. باتىس» وڭىرلىك قولباسشىلىعىنىڭ ءباسپاسوز قىزمەتىنەن تۇسكەن مالىمەتكە قاراعاندا, قر ۇلتتىق ۇلانىنىڭ باس قولباسشىسى, گەنەرال-لەيتەنانت رۋسلان جاقسىلىقوۆ وسىعان وراي جەكە قۇراممەن كەزدەسىپ, جاڭا قولباسشىنى تانىستىردى. ر.جاقسىلىقوۆ ءا.سەراليەۆكە «باتىس» وڭىرلىك قولباسشىلىعىن باسقارۋدا تابىستارعا جەتۋىنە تىلەكتەستىگىن ءبىلدىردى. الىبەك سەراليەۆ كسرو ىشكى ىستەر مينيسترلىگى بلكجو-نىڭ 60 جىلدىعى اتىنداعى لەنينگراد جوعارى ساياسي ۋچيليششەسىن بىتىرگەننەن كەيىن قىزمەتتىك جولىن روتا كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى بولىپ باستادى. ورالعا كەلگەنگە دەيىن الماتى قالاسىنداعى «وڭتۇستىك» وڭىرلىك قولباسشىسى بولدى. ايتا كەتەيىك, وسى كەزگە دەيىن «باتىس» وڭىرلىك قولباسشىلىعىن باسقارعان گەنەرال-مايور قايرات اقتانوۆ الماتىعا «وڭتۇستىك» وڭىرلىك قولباسشىسى بولىپ اۋىستىرىلدى.