«بارىس» قارىمتا قايتاردى

قۇرلىقتىق حوككەي لي­گا­سىنىڭ «شىعىس» ديۆيزيونىندا ونەر كورسەتىپ جۇرگەن استانانىڭ «با­رىسى» ءوز مۇز ايدىنىندا مينسكىنىڭ «ديناموسىن» قابىلداپ, ءىرى ەسەپپەن ۇتتى. قازاقستاندىق حوككەيشىلەر سوققان بەس شايباعا قوناق­تار ءبىر عانا گولمەن جاۋاپ بەرە الدى. بۇل ويىندا «بارىستىڭ» ەكى ويىنشىسى مەرگەندىگىمەن كوزگە ءتۇستى. كوماندا كاپيتانى برەندون بوچەنسكي (18-ءشى جانە 39-شى مينۋتتار) مەن كانادالىق شابۋىلشىمىز كوري تريۆينونىڭ (23 جانە 45) ارقايسىسى ەكى گولدان سوعىپ, دۋبل جاسادى. ال «دينامونىڭ» قاقپاسىنا بەسىنشى شايبانى استانالىق 19 جاسار شابۋىلشى كيريلل پانيۋكوۆ ەنگىزدى. قوناقتار تاراپىنان جالعىز گولدى اارون پولۋشاي سالدى. ءسويتىپ, 28 قاڭتار كۇنى مينسكىدە (1:2) ۇتىلىپ قارىمتا قايتاردى. كەشە «بارىس» ريگانىڭ «ديناموسىن» قابىلداپ, 1:0 ەسەبىمەن جەڭدى. گولدىڭ اۆتورى – ك.داللمەن. وسى جەڭىستەردەن كەيىن استانا كومانداسى 87 ۇپاي­مەن «شىعىس» كونفەرەنتسياسىندا بەسىنشى ورىنعا نىق تۇراقتادى. كەلەسى ويىنىن «بارىس» استانادا 14 اقپاندا نوۆو­سىبىردىڭ «سيبيرىمەن» ءوت­كىزەدى.