بولاشاقتىقتار دا ءۇن قوستى

مەملەكەت باسشىسى نۇرسۇلتان نازارباەۆتىڭ 25 قاڭتارداعى «مەملەكەتتىك بيلىك تارماقتارى اراسىنداعى وكىلەتتىكتەردى ءبولىسۋ» جايلى ۇندەۋىنە وراي وبلىس ورتالىعىنداعى س.تورايعىروۆ اتىنداعى مەملەكەتتىك ۋنيۆەرسيتەتتە ايماقتىق كونفەرەنتسيا بولىپ ءوتتى. كونفەرەنتسياعا «بولاشاق» باعدارلاماسىنىڭ تۇلەكتەرى, جاستار ۇيىمدارىنىڭ كوشباسشىلارى, ستۋدەنتتەر مەن ازاماتتىق قوعام وكىلدەرى قاتىستى. تالقىلاۋعا ونىڭ مودەراتورى ۋنيۆەرسيتەت رەكتورى, «بولاشاق» باعدار­لاماسىنىڭ تۇلەگى ارىن ورساريەۆ قاتىسىپ, جۇرگىزىپ وتىردى. تالقىلاۋ بارىسىندا كونفەرەنتسياعا قا­تى­­سۋشىلار پرەزيدەنت, پار­­لامەنت جانە ۇكىمەت ارا­سىنداعى وكىلەتتىكتەردى قاي­تا ءبولۋ رەفورمالار باع­دارلاماسى تۋرالى ءوز ويلارىن ءبىلدىردى. سونداي-اق, سپيكەرلەر اتالعان رەفورمالاردى جۇزەگە اسىرۋ ۋاقىتى وتە ءساتتى تاڭدالعانىن اتاپ ءوتتى. جانە رەفورمالاردى قازاقستاننىڭ حالىقارالىق ورتاداعى دەموكراتياسىنىڭ جاڭا كەزەڭى دەپ ايتۋعا بولا­تىنىڭ جەتكىزدى. – جاھاندانۋ مەملەكەتتەر الدىنا بەلگىلى ءبىر مىندەتتەر قويادى, ولارمەن قازىرگى زاماندا بارلىق مەم­لەكەتتەر بەتپە-بەت كەلەدى. بۇگىنگى تاڭدا ءبىز بۇل مىندەتتەردىڭ تەك سىرتقى سايا­ساتقا عانا ەمەس, ىشكى سايا­ساتقا دا قاتىستى ەكەنىن جانە ەلباسىمىزدىڭ رەفورما جاساۋ جونىندەگى باس­تاماشىلىعى دەر كەزىندە قولعا الىنىپ وتىرعانىن كورەمىز, – دەدى ارىن ءورسا­ريەۆ ءوز سوزىندە. جالپى ايتقاندا, قاتى­سۋشىلار بۇل وزگەرىستەر مەملەكەتتىك باسقارۋدىڭ تيىمدىلىگىن ارتتىرادى دەگەن ءبىراۋىزدى توقتامعا كەلدى. فاريدا بىقاي, «ەگەمەن قازاقستان» پاۆلودار