جاڭا رەفورمالار باستاۋى

ەلباسىنىڭ 25 قاڭتار كۇنى قازاقستان رەسپۋبليكاسى پرەزيدەنتىنىڭ بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى ۇندەۋى جاريالانعان بولاتىن. وسىعان وراي جۇما كۇنى س.جيەنباەۆ اتىنداعى وبلىستىق جاسوسپىرىمدەر كىتاپحاناسىندا «ەلباسى ۇندەۋى – جاڭا رەفورمالار» تاقىرىبىندا جيىن ءوتتى. وعان «اقتوبە وبلىسىنىڭ ۇكىمەتتىك ەمەس ۇيىمدار قاۋىم­­داستىعى» زاڭدى تۇل­عالار بىرلەستىگىنىڭ پرەزي­دەنتى ايگۇل دۇيسەنوۆا, ءما­دەنيەت قايراتكەرى ەر­كىن قۇرمانبەكوۆ جانە وقىر­ماندار مەن كىتاپحانا قىز­مەتكەرلەرى قاتىستى. شارا بارىسىندا ينتەرنەت جەلىسى ارقىلى ەلباسىنىڭ ۇندەۋى تىڭدالدى. جيىندى كىتاپحانا قىز­مەتكەرى لاززات بولتەكوۆا ءجۇر­گىزدى. ول – ەلباسى رەفور­ماسىنىڭ نەگىزگى باعىتتا­رىنا توقتالدى, سونىمەن قاتار, كونستيتۋتسياعا ەنگىزىل­مەك وزگەرىستەر مەن تولىق­تىرۋلار تۋرالى ءسوز ەتتى. «اقتوبە وبلىسىنىڭ ۇكى­مەتتىك ەمەس ۇيىمدار قاۋىم­داستىعى» زاڭدى تۇلعالار ءبىر­لەستىگىنىڭ پرەزيدەنتى اي­گۇل دۇيسەنوۆا ءوز كەزەگىندە جۇزەگە اسىرىلعالى وتىرعان كونستيتۋتسيالىق رەفورما ءبىزدىڭ مەملەكەت پەن قوعام ءۇشىن وتە ماڭىزدى ەكەنىن, جاڭا وزگەرىستەر مەملەكەتتىڭ دامۋىنا جاڭا سەرپىن اكە­لەتىنىن قوزعادى. مادەنيەت قايراتكەرى ەركىن قۇرمانبەكوۆ: «تاۋەل­سىزدىكتىڭ نەگىزىن قالاپ, قازاق مەملەكەتتىلىگىن نىعايت­قان ەلباسى ەندى قازاق­ستان­دى ماڭگىلىك ەلگە اينال­دىرۋدا. بۇل رەفورمالار, قازاقستاننىڭ دەمو­كرا­تيالىق دامۋىنىڭ جاڭا بەلەسى بولىپ سانالادى», – دەدى. ەلباسىمىزدىڭ ءۇن­دەۋىن تالقىلاۋ بارىسىندا كى­تاپحانا ديرەكتورى گۇل­جاينار كالدينا وي-پىكىرىن بىلدىرە وتىرىپ, جاس ۇرپاق ازات ويلى, تەرەڭ ءبىلىمدى بولۋى كەرەكتىگىنە, ەلباسىنىڭ ۇندەۋى ەلگە ۇلكەن سەرپىلىس بەرىپ, ەڭبەك ەتۋگە دەگەن قۇل­شىنىستى ارتتىراتىنىنا سەنىم ءبىلدىردى. شارا بارىسىندا «ەلبا­سىنىڭ ۇندەۋى – جاڭا رەفورمالار باستاۋى» اتتى كىتاپ كورمەسى ۇيىمداستىرىلىپ, بيبليوگرافيالىق شولۋ جاسالدى. كورمەگە «ەلىنە ەلەۋلى ەلباسى», «حالىققا ارناۋ», «قازاقستاننىڭ قازىرگى زامان تاريحى», ت.ب. كىتاپتار مەن ءۇن­دەۋ جاريالانعان «ەگەمەن قازاقستان», «كازاحستانسكايا پراۆدا», «اقتوبە» گازەتتەرى قويىلدى. ۇرجان كۋداسوۆا, س.جيەنباەۆ اتىنداعى وبلىستىق جاسوسپىرىمدەر كىتاپحاناسى ديرەكتورىنىڭ ورىنباسارى اقتوبە