قازاقستان ۇمتىلىسىن قولدايمىن - مانفرەد گرۋند

قازاقستان باسشىسى نۇرسۇلتان نازارباەۆ قاڭتار ايىنىڭ اياعىندا قازاقستان حال­قى­نا ۇندەۋمەن شى­عىپ, ونىڭ با­رى­سىندا كەڭ اۋقىمدى ءجا­نە ماڭىزدى كون­س­تي­تۋتسيالىق رە­فور­­مالارعا باس­تا­­ماشىلىق جا­سادى. ەندى پارلامەنت پەن ۇكىمەت نى­عايىپ, باسقارۋ جۇيەسى بۇرىنعىدان گورى تيىمدىرەك بولا ءتۇسۋى ءتيىس. ءبىرىنشى كەزەكتە, قازاقستان پرەزيدەنتىنىڭ بۇگىنگى كەيبىر ساياسي وكىلەتتىكتەرى مەن شەشىم قابىلداۋ قۇقىقتارى پارلامەنت پەن بيلىكتىڭ جەرگىلىكتى ورگاندارىنا بەرىلەتىن بولۋى كەرەك. مەن بۇل نيەتتى بۇتىندەي قولدايمىن. رەفورمالاردىڭ بۇل باعدارلاماسى, بيلىكتى ءبولۋ تۇرعىسىنان كەلگەندە, مەملەكەتتىك ورگانداردى نىعايتۋعا ىقپال ەتەتىن بولادى. وسىعان بايلانىستى پرەزيدەنت ءوزىنىڭ نازارىن گەوستراتەگيالىق ماسەلەلەرگە, سىرتقى ساياساتقا, ۇلتتىق قاۋىپسىزدىك پەن قورعانىسقا شوعىرلاندىرادى. بۇل قازاقستاننىڭ ءارى قاراي دا دەموكراتيالاندىرۋ باعىتىمەن ىلگەرىلەپ بارا جاتقانىن بايقاتادى. قازاقستاندى ءارى قاراي جاڭعىرتۋ ماسەلەسى پرەزيدەنتتىڭ بيىلعى 31 قاڭ­تارداعى حالىققا جىل سايىنعى ءداستۇرلى جولداۋىندا دا قوز­عالادى. جاھاندىق باسەكەگە قابى­لەتتىلىك پەن ۇزاق مەرزىمدى ەكونوميكالىق دامۋ قازاقستان الدىنا قويىپ وتىرعان نەگىزگى ماقساتتار بولىپ تابىلادى. نارىقتىق ەكونوميكا قاعيداتتارى بويىنشا ىلگەرىلەۋ نيەتى دە قۋاتتالا تۇسەدى. بۇل دا وتە قولداپ, قۋاتتاۋعا تۇرارلىق جايت جانە ورتالىق ازيادا ءوزىنىڭ ستاندارتتارىن ورنىقتىراتىن بولادى. ءبىرىنشى كەزەكتە مەملەكەت ەكونوميكالىق ويىنشى رەتىندە ەكىنشى كەزەككە سىرعۋى ءتيىس. كۇن تارتىبىندە زاماناۋي تەحنولوگيالاردى دامىتۋعا ماڭىزدى ورىن بەرىلگەن. اۋىل شارۋاشىلىعى سەكتورى, كولىك جانە لوگيستيكا جاريالانعان جاڭعىرتۋدا دامۋدىڭ اسا ماڭىزدى باعىتتارى سانالادى. سونداي-اق, بەس ينستيتۋتتىق رەفورمانى جۇزەگە اسىرۋعا باسا كوڭىل بولىنگەن. 2030 جىلعا قاراي قازاقستاننىڭ الەمدەگى اسا دامىعان 50 مەملەكەتتىڭ ساناتىنا قوسىلۋ تۋرالى ماقساتى مەرزىمىنەن بۇرىن ورىندالسا, 2050 جىلعا دەيىن الەمدەگى جەتەكشى 30 ەلدىڭ ساپىنا ەنۋ ماقساتى دا قۋاتتالىپ وتىر. مەن پرەزيدەنت نۇرسۇلتان نازارباەۆ پەن قازاقستان ۇكىمەتىنىڭ جاريالانعان رەفورمالاردى جۇزەگە اسىرۋعا دەگەن ۇمتىلىسىن تەك قولدايمىن. وسىنىسىمەن دە قازاقستان بۇكىل وڭىرگە ۇلگى بولا الادى. مانفرەد گرۋند, حريستيان-دەموكراتيالىق وداعى (حدو) پارتياسى تورالقاسىنىڭ مۇشەسى, بۋندەستاگتاعى حدو پارلامەنتتىك فراكتسياسى ىستەرىنىڭ باسقارۋشىسى, «گفر-وا» پارلامەنتتىك توبىنىڭ توراعاسى