مىندەت بەلگىلەنىپ, ماقسات ايقىندالدى

حالقىمىز تاۋەلسىزدىك تاڭىنا دەيىن تالاي قيىن كەزەڭ­دەردى باستان كەشتى. مەم­لەكەتتى قالىپتاستىرۋ, ۇلتتى ساقتاۋ ماسەلەلەرى توڭىرەگىن­دە دە كوپتەگەن جۇمىستار ات­قارىلدى. ەلباسى نۇرسۇلتان نازارباەۆ تاۋەلسىزدىكتىڭ شيرەك عاسىرلىق تاريحىندا تاعدىرلى كەزەڭدەر قالىپ­تاس­تىرىپ, ۇلتتىڭ الدىنا ماڭىز­دى مىندەتتەر مەن ايقىن ماق­ساتتار قويا ءبىلدى. ناتيجەسىندە ەلىمىز دامۋدىڭ داڭعىل جولىنا ءتۇسىپ, الەمدىك ارەنادا ءوزىنىڭ تاريحي ورنىن يەلەندى. كۇنى كەشە عانا مەملەكەت باسشىسى نۇرسۇلتان نازارباەۆ قازاقستان حالقىنا «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جاريالادى. جولداۋدا ايتىلعان ماڭىزدى مىندەتتەر مەن ايقىن باعىتتار ەلىمىزدىڭ ودان ءارى دامۋىنا ەرەكشە سەرپىن بەرەرى انىق. ماڭىزدى قۇ­جاتتا ەلباسى قازاقستان 2050 جىلعا قاراي الەمدەگى ەڭ الدىڭعى قاتارلى 30 مەم­لەكەتتىڭ قاتارىنا قوسىلۋعا ءتيىس ەكە­نىن اتاپ كورسەتتى. سونىمەن قاتار, نۇرسۇلتان ءابىش ۇلى جاڭا يندۋستريالار قالىپتاستىرۋدىڭ ماڭىزدى شارتى يننوۆاتسيانى قولداۋ جانە ولاردى وندىرىسكە تەزىرەك ەنگىزۋ بولىپ سانالاتىنىن دا ايتتى. بۇگىنگى تاڭدا جامبىل وبلىسىندا ءوندىرىس سالا­لارىن باسقارۋ باعدارلامالارى ايتار­لىقتاي جۇزەگە اسىپ كەلەدى. بۇل دا ءوز كەزە­گىندە ەلىمىزدىڭ وندىرىستىك سالاسىن دامىتۋعا ەرەكشە اسەر ەتەتىنى ءسوزسىز. تاعى ءبىر ايتا كەتەرلىك ماڭىزدى جايت, ەلباسى قازاقستاننىڭ ءوز ينۆەستيتسيالىق ستراتەگياسى بولۋعا ءتيىس ەكەنىن دە مالىمدەدى. بۇل دا كەلەشەكتە ەلىمىزدىڭ ءوندىرىس, يندۋستريا سالالارىن دامىتۋعا ەرەك­شە سەرپىن بەرەدى. سونداي-اق, ەلباسىنىڭ نازارىنان اۋىل شارۋاشىلىعى, الەۋمەت, ءبىلىم بەرۋ, دەنساۋلىق ساقتاۋ سالالارى دا تىس قالىپ كور­گەن ەمەس. اتالعان سالالاردى ودان ءارى دامىتۋ ماقساتىندا مەملەكەت باسشىسى ۇكىمەتكە ناقتى تاپسىرمالار بەردى. ەلىمىز, اسىرەسە, ادام ءومىرىن جانە ونىڭ قۇقىعىن قورعاۋدى ەرەكشە باسشىلىققا الىپ كەلەدى. بۇل ورايدا ەلباسىنىڭ قادامى قۇپتارلىق. سونداي-اق, جولداۋدا ادامي كاپيتال ساپاسىن جاقسارتۋعا دا ەرەكشە نازار اۋدارىلعان. نۇرسۇلتان ءابىش ۇلى ادامي كاپيتال ساپاسىنىڭ جاقسارۋى بىلىمگە تىكەلەي بايلانىستى ەكەنىن دە ايتىپ وتىر. اسىرەسە, قوعام ءۇشىن تۇيتكىلدى ماسەلەگە اينالىپ كەلگەن قالا مەن اۋىل مەكتەپتەرى اراسىنداعى ءبىلىم بەرۋ ساپاسىنىڭ الشاقتىعىن ازايتۋ قاجەتتىگى تۋرالى تاپسىرماسى دا وزەكتى. ەلباسىنىڭ ءار جولداۋى – ەلىمىز ءۇشىن دە, جەرىمىز ءۇشىن دە ماڭىزدى. سەبەبى, ناقتى مىندەتتەر بەلگىلەنىپ, ماقساتتار ايقىندالادى. تولايىم تابىسقا قول جەتكىزۋ ءۇشىن دە اسقان اۋىزبىرشىلىك پەن تىنىشتىق كەرەك. بۇل تۇرعىدا ەلىمىز الەمگە بەيبىتسۇيگىش قالپىمەن دە ۇلگى كورسەتىپ كەلەدى. مۇقاش ەسكەندىروۆ, «قازفوسفات» جشس باس ديرەكتورى, قازاقستاننىڭ ەڭبەك ەرى جامبىل وبلىسى