ستراتەگيالىق سيپاتقا يە

مەملەكەت باسشىسى نۇرسۇلتان نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا ەلىمىزدىڭ جاڭا الەۋمەتتىك-ەكونوميكالىق جانە ساياسي بەتبۇرىستارعا قادام باسقانىن مالىمدەدى. ەلىمىز تاۋەلسىزدىك العان­نان كەيىنگى ارالىقتا كوپتە­گەن قۇرىلىمدىق وزگەرىستەر­دى جۇزە­گە اسىرىپ, اسا ماڭىز­دى ءناتي­جەلەرگە قول جەتكىزدى. ال ەلباسى جولداۋىندا العا قويىل­عان مىندەتتەر مەن ماق­ساتتار وسى 25 جىل ىشىندەگى تابىستاردىڭ زاڭدى جالعاسى بولىپ تابىلادى. پرەزيدەنت جولداۋى ۇزاق مەرزىمدى ستراتەگيالىق سيپات­قا يە. وندا سىرتقى ەكونوميكاداعى قۇبىل­مالى اسەرلەر كەزىندە قوعامنىڭ ءال-اۋقاتىن ارتتىرۋعا باعىتتالعان كەشەندى شارا­لار قامتىلعان. جاڭا جاھاندىق تالاپتاردى نازارعا الا وتىرىپ, قازىرگى تاڭدا ەلدىڭ ىشكى الەۋەتىن كۇشەيتە ءتۇسۋ كەزەك كۇتتىرمەيتىن ماسەلە دەۋگە بولادى. وسى ماقساتتا پرەزيدەنت ورنىقتى ەكونو­ميكالىق وسىمگە, ۇلتتىق ەكونوميكانى تەحنولوگيالىق جاڭعىرتۋعا, ىسكەرلىك ورتانى جاقسارتۋعا, ماكروەكونوميكالىق تۇراقتىلىقتى قامتاماسىز ەتۋگە, ادامي كاپيتالدى ساپالىق تۇرعىدا ارتتىرۋ­عا, سونىمەن قاتار, ينستيتۋتتىق قايتا قۇرۋعا, سىبايلاس جەمقورلىققا قارسى ءناتي­­جەلى كۇرەس جۇرگىزۋگە باعىتتالعان باسىم­­دىق­تاردى اتاپ كورسەتتى. جولداۋدا ايتىلعانداي, كولىك-لوگيس­تي­كالىق ينفراقۇرىلىمدى جاڭعىرتۋ, اۋىل شارۋاشىلىعى, قۇرىلىس, شاعىن جانە ورتا بيزنەس سىندى سالالاردى دامىتۋ ۇلتتىق ەكونوميكانى العا سۇيرەيدى. ەلدىڭ ازىق-ت ۇلىك قاۋىپسىزدىگىن قامتاماسىز ەتۋدىڭ نەگىزى سانالاتىن اگرو­ونەر­كاسىپ كەشەنىنىڭ قازاق­ستان ەكونوميكاسى ءۇشىن قان­شا­لىقتى زور ماڭىزعا يە ەكەندىگى سوڭعى جىلدارى اي­قىن بايقالدى. سول سەبەپ­تى, الداعى ۋاقىتتا دا اگرو­ونەر­كاسىپ كەشەنىن ودان ءارى دامىتۋ كوزدەلىپ وتىر. كووپەرا­تيۆ­تەردىڭ ءرولىن كۇشەيتۋ, شيكى­زاتتى تەرەڭدەتىپ وڭدەۋ ءارى ونى ساقتاۋ ساپاسىن جاقسارتۋ, تاسىمالداۋ مەن وتكىزۋ, ەگىستىك جەرلەردى كەڭەيتۋ, اگرارلىق عىلىمي زەرتتەۋلەرگە ينۆەستيتسيانى كوپتەپ ءبولۋ سىندى ناقتى شارالار اۋىل شارۋاشىلىعى سالاسىنىڭ جاھاندىق باسەكەگە قابىلەتتىلىگىن ار­ت­تىرۋعا ىقپال ەتەدى دەگەن ويدامىن. وسى ورايدا, قازىردىڭ وزىندە قازاقستان اۋىل شارۋاشىلىعى سەكتورىنىڭ الەۋەتى بويىنشا الدىڭعى قاتارلى ەلدەردىڭ ءبىرى سانالاتىنىن ايتا كەتۋ كەرەك. جالپى, كونستيتۋتسياعا وزگەرىستەر ەنگىزۋ جونىندەگى ۇسىنىستار ءۇشىن­شى جاڭ­عىرۋ­دا العا قويىلعان مىندەت­تەر مەن ماق­ساتتارعا قول جەتكىزۋگە وتە ءتيىمدى ىقپال ەتەتىنى انىق. قازىرگى تاڭدا قازاقستان جاڭا ساياسي, ەكونوميكالىق, الەۋمەتتىك دامۋدىڭ قارساڭىندا تۇر دەپ سانايمىن. اننا الشانسكايا, قازاقستان پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ عىلىمي قىزمەتكەرى