باسىم باعىتتارعا نازار اۋدارىلدى

پارلامەنت ءماجىلىسىنىڭ دەپۋتاتتارى ا.نۇركينا, ا.قۇرمانوۆا, س.بىچكوۆا, س.سيمونوۆ, ا.بازارباەۆ جۇمىس ساپارىمەن قوستاناي وبلىسىندا بولدى. ساپار اياسىندا دەپۋتاتتار مەم­لەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ نەگىزگى ەرەجەلەرىن ءتۇسىندىرۋ بويىنشا وبلىس تۇرعىندارىمەن, ەڭبەك ۇجىمدارىمەن, باستاۋىش پارتيا ۇيىمدارىنىڭ مۇشەلەرىمەن بىرقاتار كەزدەسۋلەر وتكىزدى. اۋەلى پارلامەنت ءماجىلىسىنىڭ دەپۋتاتتارى «اگروماشحولدينگ» اق-تىڭ جۇمىسىمەن تانىسىپ, كاسىپ­ورىننىڭ ەڭبەك ۇجىمىمەن كەز­دەستى. ءوز سوزىندە ايگۇل نۇركينا جول­داۋدىڭ باسىم باعىتتارىنا توقت­الىپ ءوتتى. اتاپ ايتقاندا, دەپۋتات ۇجىم نازارىن بيىلعى جولداۋدا قوزعالعان ەڭبەك نارىعىن جاڭعىرتۋ جانە بيزنەس-ورتانى كەڭەيتۋ ماسەلەلەرىنە اۋداردى. ايگۇل قابدەشقىزى كەزدەسۋ بارى­سىندا «جول كارتاسى» جانە جۇ­مى­س­پەن قامتۋ ورتالىقتارىنىڭ رەفور­مالاۋدان ءوتىپ, ونىڭ بازاسىندا بار­لىق ەلدى مەكەندەردە بار بوس جۇمىس ورىندارى تىركەلگەن بىرىڭعاي ونلاين پلاتفورماسى ۇيىمداستىرىلا­­­تى­­­نى تۋرالى اڭگىمەلەدى. ايتا كەتۋ كەرەك, اكىمدىكتەر ازىرلەيتىن وسى «جول كارتالارى» بويىنشا قىسقارتىلا­تىن قىزمەتكەرلەردى قايتا دايار­لاۋ جانە ولاردى ودان ءارى جۇمىس­قا ورنالاستىرۋ ماسەلەسى شەشىمىن تاباتىن بولادى. سونىمەن قاتار, دەپۋتات ءناتي­جەلى جۇمىسپەن قامتۋ جانە بۇقارا­لىق كاسىپكەرلىكتى دامىتۋ باعدار­لاماسى تۋرالى جانە ونى ىسكە اسىرۋ جۇمىستارىنا ۇكىمەت جاڭا جىل­دان باستاپ كىرىسكەنى تۋرالى دا اتاپ ءوتتى. «وسى باعدارلاما اياسىندا قازاق­ستان ازاماتتارى ءوز بيزنەسىن ءجۇر­گىزۋ ءۇشىن اۋىلدا دا, قالادا دا 16 ميل­ليون تەڭگەگە دەيىن شاعىن نەسيە الا الا­دى. سونىمەن قاتار, بيز­نەستى ءجۇر­گىزۋ جانە قارجىلىق ساۋات­تىلىق­قا ءۇي­رەتۋ بويىنشا دا جۇمىستار ۇيىم­داستىرىلاتىن بولادى دەپ جوس­پارلانۋدا. باعدارلامادا باستى نازار وتباسىلىق بيزنەستىڭ دامۋىنا ەرەكشە كوڭىل اۋدارىلاتىن بولادى», – دەپ تولىقتىردى دەپۋتات. «سارىارقااۆتوپروم» ۇجىمىمەن اڭگىمەلەسۋ بارىسىندا دەپۋتات ايزادا قۇرمانوۆا ەرەكشە اتاپ وتكەن­دەي, مەملەكەت باسشىسى بيىلعى جول­داۋىندا قوستاناي وڭىرىنە ءتان اگروونەركاسىپتىك كەشەن, ماشينا جاساۋ سالالارىنا باستى نازار اۋداردى. «مەملەكەت باسشىسى ەلەكتروموبيل ءوندىرىسىن ەكسپورتتىق باعدارداعى ودان ءارى دامىتۋ بويىنشا ناقتى باسىمدىق رەتىندە بەلگىلەدى, ونى جۇزەگە اسىرۋ بارىسىندا شامامەن 20 مىڭ جاڭا جۇمىس ورنىن قۇرۋ جوسپارلانۋ­دا. بۇگىنگى تاڭدا, ن.نازارباەۆ اتاپ ءوت­كەن­­دەي, ەكى جوبا ىسكە قوسىلدى, ونىڭ بىرەۋى – وسى ءسىز جۇمىس ىستەپ ءجۇر­گەن JAC ەلەكتر اۆتوموبيلدەرىن قۇراس­تىرۋ زاۋىتى», – دەدى ايزادا امانگەلدىقىزى. كەزدەسۋ بارىسىندا ەلباسىنىڭ 25 قاڭتارداعى ۇندەۋىندە اتاپ وتكەن بيلىك تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى ۇسىنىلاتىن كونستيتۋتسيالىق رەفورمالارى تۋرالى سۆەتلانا بىچكوۆا اڭگىمەلەدى. دەپۋتاتتار ا.بايتۇرسىنوۆ اتىن­داعى قوستاناي مەملەكەتتىك ۋنيۆەر­سيتەتىنىڭ پروفەسسورلىق-وقىتۋشىلار قۇرامىمەن, ستۋدەنتتەرىمەن جانە قوستاناي وبلىستىق ىشكى ىستەر دەپار­تامەنتىنىڭ ۇجىمىمەن كەز­دەسۋ وتكىزدى. سونداي-اق, پارلامەنت ءماجىلىسىنىڭ دەپۋتاتتارى س.سيمونوۆ پەن ا.بازارباەۆ «نۇر وتان» پارتيا­سىنىڭ قوستاناي قالالىق فيليالىندا ازاماتتاردى جەكە سۇراقتارى بويىنشا قابىلداۋ جۇرگىزدى. ايتا كەتۋ كەرەك, ءبىر كۇن بۇرىن دەپۋتاتتار بيىلعى جولداۋدىڭ نەگىزگى ەرەجەلەرىن ءتۇسىندىرۋ بويىنشا وڭىرلىك ىسكەر ايەلدەر قاۋىمداستىعىنىڭ مۇشە­لەرىمەن جانە «نۇر وتان» پار­تيا­سىنىڭ وبلىستىق فيليالىنىڭ اكتيۆى­مەن كەزدەسكەن بولاتىن. ءنازيرا جارىمبەتوۆا, «ەگەمەن قازاقستان» قوستاناي وبلىسى