جەتىستىكتەردى جالعاستىرۋ جولىندا

سەناتور م.تاعىموۆ اقتوبە وبلىسىنداعى تەمىر اۋدانىندا بولدى. اۋدان ورتالىعى شۇبارقۇدىق اۋىلىندا دەپۋتات اۋدان اكتيۆىمەن, ەڭبەك ۇجىمدارىنىڭ وكىلدەرىمەن, ارداگەرلەرمەن, سونداي-اق اۋداندىق قۇقىق قورعاۋ, سوت جانە پروكۋراتۋرا ورگاندارىنىڭ قىزمەتكەرلەرىمەن كەزدەستى. مەملەكەت باسشىسى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جول­داۋىندا ايتىلعان باستامالار شارانىڭ باستى تاقىرىبى بولدى. سەناتور م.تاعىموۆ ايماق جۇرت­شىلىعىنا ارناعان سوزىندە «مەم­لەكەت باسشىسى قازاق­ستان­دىقتاردىڭ الدىنا ەلىمىزدى ءۇشىنشى جاڭعىرتۋ تۋرالى مىندەت قويىپ وتىر. وتكەن ەكى جاڭعىرۋداعى جوعارى جەتىستىكتەر ءبىزدى قازىرگى كەزدە دە, كەلەشەكتە دە تابىسقا جەتەلەۋى ءتيىس», – دەدى. دەپۋتات ءوز سوزىندە جولداۋدىڭ نە­گىزگى ەرەجەلەرى مەن ونى ىسكە اسىرۋ جولىندا الدا تۇرعان مىندەتتەر تۋرالى حاباردار ەتتى. بيلىك تارماقتارى اراسىنداعى وكىلەتتىكتەردى قايتا ءبولۋ, جەرگىلىكتى مەملەكەتتىك جانە ءوزىن-ءوزى باس­قارۋ ورگاندارى قىزمەتىنىڭ قۇقىق­تىق نەگىزدەرىن جەتىلدىرۋ, جەكەمەن­شىك قۇقىقتارىن قورعاۋ تەتىكتەرىن كۇشەيتۋگە باعىتتالعان الداعى رەفور­مالارعا باسا نازار اۋدارىلدى. ءماسليحات دەپۋتاتتارى مەن قارا­پايىم ازاماتتار مەملەكەت باسشى­سى­نىڭ جولداۋىندا بەلگىلەنگەن مىندەتتەر مەن ماقساتتاردى ىسكە اسىرۋعا ءازىر ەكەن­د­ىكتەرى تۋرالى ويلارىن ورتاعا سالدى. تەمىر قۇسايىن, «ەگەمەن قازاقستان» اقتوبە