مارات دوسىمنان نە سەبەپتەن ساقيناڭدى وسىنداي نۇسقادا جاساتتىڭ دەپ سۇراعانىمدا: – تۇركيا ەلىندە ءوز ۇلتتىق ناقىشتارىندا ءتۇرلى اشەكەيلەر جاساپ, قۇلاقتارىنا سىرعا, قولدارىنا جۇزىك تاعىپ الىپ جۇرەتىن تۇرىكتەردى كوپ كوردىم. مەن دە وسىلاي ءوز وتانىمنىڭ تۋىنىڭ سۋرەتىن ساقيناما قويامىن دەپ شەشتىم. سودان تاپسىرىس بەرىپ جاساتتىم, ەندى وسى ساقيناما قاراعان سايىن تۋعان ەلىم, وتانىم ويىما ورالادى. سۇراعان ادامدارعا مەن قازاقپىن, بۇل مەنىڭ ەلىمنىڭ كوك تۋى دەپ ماقتانىشپەن ايتامىن.
اكە-شەشەم «قازاقتىڭ كوك تۋى ءبىزدىڭ ار-نامىسىمىز, ول ارقاشاندا جوعارىدا بولۋ كەرەك!», دەپ ۇيرەتكەن جانە دە ءالى دە ۇيرەتىپ, ايتىپ جۇرەدى, مەن دە ونى بولاشاقتا ءوز بالالارىما ۇيرەتەمىن. ارينە, تۋىمىز ەڭ الدىمەن جۇرەكتە بولۋ كەرەك, ونى قاتتى قۇرمەتتەپ, ءسۇيۋىمىز كەرەك! – دەپ جاۋاپ بەردى. شەت ەلدە, جات جەردە جۇرگەن قانداسىمىزدىڭ ءار سوزىنەن ەلىنە دەگەن سۇيىسپەنشىلىك, ساعىنىش, پاتريوتتىق سەزىمى انىق بايقالادى. ەندەشە, كوك تۋىمىزدى باعالاپ, جوعارى ۇستاي بىلەيىك, اعايىن!
قىمبات كەرەيباي
استانا
