بۇگىندە ازاماتتارعا ارنالعان ۇكىمەت ارقىلى 546 مەملەكەتتىك قىزمەت قولجەتىمدى. جاڭا قىزمەتتەردىڭ باسىم بولىگىن اۋىل شارۋاشىلىعى, ۇلتتىق ەكونوميكا مينيسترلىكتەرىنىڭ جانە قر ينۆەستيتسيالار جانە دامۋ مينيسترلىگىنىڭ قىزمەتتەرى قۇرادى, دەپ حابارلادى «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامى ءباسپاسوز قىزمەتى.
مەملەكەتتىك كورپوراتسيادا اۋىلشارۋاشىلىق ونىمدەرىن ءوندىرىسىن باسقارۋ جۇيەسىن دامىتۋدى سۋبسيديالاۋدى, اوك (اگروونەركاسىپ كەشەنى) سالاسىندا دايىنداۋ ۇيىمىن اككرەديتتەۋدى, قۇرىلىس وبەكتىلەرى جوسپارلارىن كەشەندى ۆەدومستۆوىشىلىك ساراپتاۋ جۇرگىزۋگە ۇمىتكەر زاڭدى تۇلعالاردى اككرەديتتەۋدى, قر رەزيدەنتى بولىپ تابىلمايتىن جانە قر اۋماعىندا ينۆەستيتسيالىق قىزمەتتى جۇزەگە اسىراتىن تۇلعالارعا نۆەستورلىق ۆيزالار الۋعا قولداۋحات بەرۋدى راسىمدەۋگە بولادى.
«ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى بۇل قىزمەتتەردى كورسەتۋ مەملەكەتتىك كورسەتىلەتىن قىزمەتتەر ءتىزىلىمىن وزگەرتكەننەن جانە «حقكو» ىقپالداستىرىلعان اقپاراتتىق جۇيەسىنە (حقكو ىاج) وزگەرىستەر ەنگىزگەننەن كەيىن مۇمكىن بولىپ وتىر. ەندى ازاماتتاردىڭ بۇل قىزمەتتەر ءۇشىن مەملەكەتتىك وورگاندارعا جۇگىنۋ قاجەتتىگى جوق. دەمەك, اتالمىش قىزمەتتەردى مەملەكەتتىك كورپوراتسيانىڭ باسقا قىزمەتتەرى سياقتى اپتاسىنا 6 كۇن ساعات تاڭعى 8.00-دەن كەشكى 20.00-عا دەيىن تۇسكى ءۇزىلىسسىز الۋعا بولادى.
سونداي-اق, احۋالدىق ورتالىقتىڭ باقىلاۋىنشا, حالىققا قىزمەت كورسەتۋ ورتالىقتارىندا سوڭعى كەزدەرى ازاماتتاردى ۋاقىتشا تىركەۋ قىزمەتى بويىنشا ورىن العان كەزەك سانى ەداۋىر ازايعان. جىل باسىنان باستاپ 400 مىڭنان استام ادام ۋاقىتشا تىركەۋدەن وتكەن.
