جامبىلدا جاسالعان ماكارون رەسەي مەن قىتايعا ەكسپورتتالماق

2015-2019 جىلدارعا ارنالعان قازاقستاننىڭ يندۋستريالدى-يننوۆاتسيالىق دامۋى مەملەكەتتىك باعدارلاماسى اياسىندا جوسپارلانعان 12 جوبانىڭ العاشقىسى جامبىل وبلىسىندا ىسكە قوسىلدى, دەپ حابارلايدى «قازاقپارات». بۇگىن بايزاق اۋدانى قىزىل جۇلدىز اۋىلىندا «س.پ. «روللا-يان» جشس ماكارون تسەحىنىڭ جاڭعىرتىلعان اۆتوماتتى جەلىسى ارقىلى «س.پ. «روللا-يان» جشس-نىڭ DL-650X ۇزىن كەسپەسىن ءوندىرۋ باستالدى. جوبانىڭ قۇنى 285 ملن تەڭگەنى قۇرايدى, قۋاتى جىلىنا 9 مىڭ توننا ءونىم شىعارۋعا قاۋقارلى. جاڭا ءوندىرىستىڭ ىسكە قوسىلۋىنا وراي, جەرگىلىكتى تۇرعىنداردىڭ 60-قا جۋىعى تۇراقتى جۇمىسپەن قامتاماسىز ەتىلدى. بۇل ءونىم ەكسپورتقا باعدارلانعان. ەلىمىزدىڭ ىشىندە دە, رەسەي مەن قىتاي نارىعىندا دا تارالادى دەپ جوسپارلانۋدا. «بۇگىن يندۋسترياليزاتسيا باعدارلاماسىنىڭ اياسىندا «س.پ. «روللا-يان» جشس-نىڭ - «ماكارون تسەحىن جاڭعىرتۋ, كەسپە شىعارۋ بويىنشا اۆتوماتتى جەلىسى» اتتى جوبانى اشىپ جاتىرمىز, - دەدى جوبانىڭ اشىلۋىندا وبلىس اكىمىنىڭ ورىنباسارى تيمۋر جانكە. «XINJFANG XINYA MECHAN - ەLەستRو EQUIPMENT سو.LTD» قىتاي فيرماسىنىڭ يننوۆاتسيالىق جەلىسىنىڭ قۇرىلعىسى مەن مونتاجى باسقا كومپانيالار اراسىنداعى باسەكەگە قابىلەتتىلىگىن ارتتىرىپ, قازاقستان رەسپۋبليكاسىنىڭ دسۇ-عا كىرۋىنە مۇمكىندىك بەرەدى».