سەمەي تاريحىنان سىر شەرتەتىن قوس تومدىق جارىق كوردى

قازىرگى زامان تاريحىن قۇجاتتاندىرۋ ورتالىعىندا «ءحىح عاسىر مەن حح عاسىر­دىڭ باسىنداعى شىعىس قازاقستانداعى حالىققا ءبىلىم بەرۋ سالاسىنىڭ دامۋى» اتتى ەكى تومدىق قۇجاتتار جيناعىنىڭ تۇساۋكەسەرى ءوتتى. اتالعان ورتالىقتىڭ ءبولىم مەڭگەرۋشىسى لاۋرا قادىروۆا وقىرماندار نازارىنا ۇسىنىلعان جاڭا جيناق جايلى بىلاي دەدى: – بۇل جيناق ەكى تومدىق كىتاپ بولعاندىقتان, بىرىنشىسىنە قازان توڭكەرىسىنە دەيىنگى كەزەڭدى قامتىعان 218 قۇجات كىرىپ وتىر. ەكىنشى تومدا 1917-1940 جىلداردى قاراستىرعان 230 قۇجات بار. بۇل ەكى تومدىق كىتاپتا سەمەيدەگى ءتۇرلى وقۋ ورىندارىنىڭ تاريحى تولىق قامتىلعان. حالىقتىق وقۋ-اعارتۋ سالاسى بويىنشا قانداي جۇمىستار اتقارىلدى, مىنە, وسىنىڭ بارلىعىن ەنگىزۋگە تىرىستىق. جيناقتى شىعارۋ ءۇشىن «سەميپالاتينسكيە وبلاستنىە ۆەدوموستي» جانە «سەميپالاتينسكي ليستوك» دەپ اتالاتىن كونە گازەت ساندارى پايدالانىلدى. سونداي-اق, سەمەي ءارحيۆىنىڭ قورىنان ماتەريال­دار الىندى. سول سياقتى رەسەيدىڭ ومبى, توم قالالارىنا بارىپ, كوپتەگەن قۇجات­تاردى جيناستىرىپ كەلدىك. راۋشان نۇعمانبەكوۆا, جۋرناليست سەمەي