ءسىز ىزدەگەن جاستار كوبەيدى, سەيداعا!

وتكەن عاسىردىڭ الپىسىنشى جىلدارىنىڭ ورتاسى بولسا كەرەك. الماتىدا جەڭىل اتلەتيكادان رەسپۋبليكالىق جارىس وتەتىن بولادى دا, سول جەرگە جاس سپورت ءجۋرناليسى سەيداحمەت بەردىقۇلوۆ اعا­مىز كەلەدى. جارىستى وتكىز­ۋگە ءتيىستى مەملەكەتتىك جاتتىق­تى­رۋشىنىڭ قولىن­داعى قا­عاز­عا ۇڭىلەدى. پاراق­تاي باستاعان. سول كەزدە كوگىلدىر كوزىنە مۇز قاتقان ايەل كەكەتكەن كەيىپپەن: «جاس جىگىت, بۇل تىزىمنەن كىم­دەردى ىزدەپ تۇرعانىڭدى ءبى­لەمىن. بىراق سەنىڭ وكىنىشىڭە قاراي, ولار بۇل بەس جىلدىقتا دا, كەلەسى بەس جىلدىقتا دا بۇل تىزىمدە بولمايدى», دەگەندەي وي ايتادى. بۇگىندە قازاق سپورت جۋر­­­ناليستيكاسىنىڭ اتاسىنا بالانعان سەيداحمەت بەردى­قۇلوۆ اعامىزدىڭ ءجۇزى تۇتىگىپ كەتە­دى. ەل, جەر قازاقتىكى, بىراق سپورتشىلار اراسىندا قازاق جاستارى جوق. ارعى-بەرگىنى تۇگەن­دەگەن قايران اعامىز: «مەنى ىزدەگەن سول جاستار جوق بولسا, ول ەڭ الدىمەن ءسىزدىڭ كىنا­ڭىز, ولگا حانىم», دەپ كۇيى­نەدى. ءدال وسىلاي ايتىلماسا دا, نوبايى وسى. كىتابىنان وقىپ, جۇرەگىمىز اۋىرعان. سەيداحمەت اعامىز قازاق جامپوزدارى دەسە, جانىن قيعانداي ازامات قوي. ۇلتىن سۇيگەن ادام – ناعىز مىقتى ادام. ۇلى ۇستازىمىزدان قالعان ادەت پە, ۇلتشىلدىققا جات­قىزاسىز با, ءبىز دە وسى جاعىن تۇگەندەي جۇرەتىن بول­عانبىز... ۋنيۆەرسيادادا شورت-ترەكتەن مەملەكەتتىك جات­­تىق­تىرۋشى سوفيا تىلەۋ­باە­ۆامەن اڭگىمەلەستىك. بۇرىن بياتلون سپورتىندا جات­تىق­تىرۋشى بولعان قىزدىڭ قىس­قى سپورت تۇرلە­رىندە تالانتتى قازاق جاستارىنىڭ كوبەيىپ كەلە جاتقاندىعىن ايتتى. قازاق جاستارىنا «ابىلاي اسپاس سارى بەلدەي» كورىنەتىن شورت-ترەكتە تولىقتاي جاستارىمىز ونەر كورسەتەدى. فريس­تايلدىڭ اكروباتيكا تۇرىنەن جارىسقا شىققانداردىڭ ءبارى – قازاق. حوككەيدەن قىز­دار قۇراماسىنىڭ تەڭ جارتىسىنا جۋىعى قازاق جاستارى. باسقا دا سپورت تۇرلەرىندە قان­داس­تارىمىز كوبەيىپ كەلەدى. وسى كەزدە «ءسىز ىزدەگەن جاس­تار كوبەيدى, سەيداعا!» دەپ ۇستازىمىزدىڭ رۋحىنا باس يەمىز. باقتيار تايجان, «ەگەمەن قازاقستان» الماتى