دامۋعا جاڭا سەرپىن بەرەتىن قادام

پرەزيدەنت نۇرسۇلتان نازارباەۆتىڭ ۇندەۋى ءبىزدىڭ دامۋدىڭ جاڭا بەلەسىنە كوتەرىلىپ كەلە جاتقانىمىزدى ايعاقتايتىن قۇندى قۇجات رەتىندە كورىنىس تاپتى. ول, سونىمەن بىرگە, ەل تاۋەلسىزدىگىنىڭ 25 جىلدىق كەزەڭىندەگى باسقارۋ جۇيەسىنە ءوز تۇرعىسىنان باعا بەرىپ, وسىعان وراي بىرقاتار تۇزەتۋلەر مەن وزگەرتۋلەر ەنگىزۋدىڭ شاراسىنا اينالدى. بۇعان شيرەك عاسىرلىق ۋاقىت ىشىندە قول جەتكىزىلگەن اۋقىمدى جۇمىستاردىڭ ناتيجەلەرى الىپ كەلدى. ءسويتىپ, بيلىكتىڭ بەلگىلى ءبىر بولىگىن ۇكىمەت پەن پارلامەنت قۇزىرىنا بەرۋ جونىندە ۇيعارىم جاسالدى. البەتتە, ءبىزدىڭ ەگەمەندىك جىل­دارىنداعى جولدارىمىزدىڭ ءبا­رى تاقتايداي تەگىس بولا قويعان جوق. ەگەمەندىكتىڭ ەلەڭ-الاڭ كەز­دەرىنەن بەرى قاراي سول دامۋ جول­دارىن ءدال بۇگىنگى كۇندەگىدەي ءدا­رەجەگە جەتكىزۋ ءۇشىن مەملەكەت ءتىز­گىنىنىڭ ءبىر قولعا شوعىرلانۋى اسا قاجەت بولدى. ونىڭ ءبىر ىزگە سالىنىپ, جۇيەگە كەلتىرىلۋىنىڭ وزىنە قىرۋار ەڭبەك پەن كۇش-ءجى­گەر جۇمسالدى. سان مارتە ءتا­ۋ­ەلسىزدىكتىڭ مارتەبەسىنە قاۋ­ىپ توندىرگەن ساتتەر كەزدەسىپ قا­لىپ جاتتى. سونىڭ بارىندە ەل­باسىنىڭ الىستى بولجاي الاتىن كورەگەندىگى مەن ءبارىن جان-جاقتان ويلاستىراتىن ساليقالى ساياساتى كومەككە كەلىپ, رەسپۋبليكامىزدى تالاي تىعىرىقتاردان الىپ شىقتى. وسى رەتتە ءبىز مەملەكەت باسشىسىنىڭ تىكەلەي باستاماسىمەن قۇرىلعان, الەمدە وزىنە تەڭدەس بالاماسى جوق قازاقستان حالقى اسسامبلەياسىنىڭ وتە ءبىر سارا دا سارابدال ساياساتپەن قۇ­رىلعانىنا تالاي مارتە كوز جەت­كىز­دىك. بۇل جىلداردا قازاقستان اياعىن الەم وركەنيەتىنە قاراي اپىل-تاپىل باسقان ەلدەن جاھان­نىڭ الدىڭعى قاتارلى مەم­لە­كەتتەرى مەن حالىقارالىق ۇيىم­دارى مويىندايتىن مەرەيى ءۇس­تەم مەملەكەتكە اينالدى. وسى جىل­داردا ەلىمىز ەقىۇ-عا ءتو­را­عالىق ەتتى, شانحاي ىن­تى­ماق­­تاستىق ۇيىمى مەن ەۋ­راز­يا­لىق ەكونوميكالىق وداقتىڭ بەل­سەندى مۇشەسى بولىپ الدى. بيىلعى جىلدان بۇۇ قاۋىپسىزدىك كەڭەسىنە تۇراقسىز ەمەس مۇشە رەتىندە كورىندى. ال استانا ءتو­رىن­دە ءوتىپ جاتقان ءارتۇرلى حا­لىق­­ارالىق فورۋمداردا ەسەپ جوق. سونىڭ ءبىرى – تاياۋدا عانا سيريا­دا­عى احۋالدى رەتتەۋگە ارنالعان كە­لىسسوز جۇرگىزىلىپ, ەلوردانىڭ ب­ىتىمگەرلىك ءرولى كۇشەيە ءتۇستى. قازاقستان شيرەك عاسىرلىق مەر­زىمدە, سونداي-اق, مادەنيەت پەن سپورتتىڭ, ءبىلىم مەن عىلىم­نىڭ بەلگىلى ءبىر بيىگىنە كوتەرىلگەن ەڭ­سەلى ەلگە اينالدى. ءبىزدىڭ ەلى­مىزدە سپورتتىڭ بىرقاتار ءتۇر­ل­ە­رى­نەن الەم چەمپيوناتتارى وتۋمەن قاتار, قىسقى ازيا ويىن­دارىنىڭ جالاۋى جەلبىرەدى. ال تاپ قازىرگى كۇندەرى الماتى باۋ­رايىندا قىسقى ۋنيۆەرسيادا شەڭ­بەرىندەگى جارىستار قىزىپ جاتىر. وسى دەرەكتەردىڭ ءوزى رەس­­پۋبليكانىڭ 25 جىل ىشىندە بەل­گىلى سپورت دەرجاۆالارىنىڭ ءبىرى­نە اينالعانىن كورسەتەدى. ءبىز مۇنىڭ بارىنەن ەلباسى­نىڭ دانا باسشىلىعى مەن سا­را ساياساتىنىڭ ءىزىن كورەمىز. مەم­لەكەت باسشىسىنىڭ بيلىك تار­ماقتارىن ءبولىسۋ جونىندەگى باس­­تاماسى دا ونىڭ ەلىمىز دامۋى­نا سەرپىن بەرەتىن جاڭا قا­دا­م­دا­رى­نىڭ ءبىرى بولىپ شى­عا­تى­نىنا سە­نى­مدىمىز. بيبىگۇل ءنۇسىپجانوۆا, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى, پروفەسسور