ماسكەۋدە قر پرەزيدەنتىنىڭ باستامالارى ءتۇسىندىرىلدى

جاقىندا ماسكەۋدە قازاقستاننىڭ رەسەي­د­ەگى ەل­شىلىگىنىڭ ۇيىم­داس­تى­رۋى­مەن ەلىمىزدەگى كەڭ اۋ­قىمدى سايا­سي ءجا­نە ەكو­نوميكالىق رە­­فور­ما­لار­عا ارنالعان بري­فينگ بولىپ ءوتتى, دەپ حا­بارلادى قازاقستاننىڭ رەسەيدەگى ەلشىلىگىنىڭ باس­پا­سوز قىزمەتى. قازاقستاننىڭ رەسەيدەگى ۋاقىتشا سەنىمدى وكىلى مارات سىزدىقوۆ پەن ەلشىلىكتىڭ كەڭەس­شى-ەلشىسى بولات يمانباەۆ جۋر­نا­ليستەردى قازاقستان پرە­زيدەنتىنىڭ ءۇستى­مىزدەگى جىل­دىڭ 25 قاڭتارىندا جا­ريالاعان بيلىك تارماقتارى ارا­سىن­دا وكىلەتتىكتەردى قايتا ءبولۋ ءما­­سەلەلەرىنە ارنالعان ۇندەۋى مەن ونىڭ ۇستىمىزدەگى جىلدىڭ 31 قاڭ­تارىندا جاريالاعان «قازاقستان­نىڭ ءۇشىنشى جاڭعىرۋى: جاھاندىق ءبا­سە­كەگە قابىلەتتىلىك» حالىققا جول­­داۋىنىڭ نەگىزگى ەرەجەلەرىمەن تا­نىستىردى. م.سىزدىقوۆ باستالعان جىل قازاقستان ءۇشىن قىم-قۋىت وقي­عا­لار­عا تولى جانە حالىقارالىق كۇن ءتار­تىبى بويىنشا مازمۇندى جىل بولىپ وتىرعانىن اتاپ كورسەتتى. 1 قاڭتاردا قازاقستان رەسپۋبليكاسى قاۋىپسىزدىك كەڭەسىنىڭ تۇراقتى ەمەس مۇشەسى رەتىندە ءوزىنىڭ مىندەتتەرىنە كىرىسسە, ارادا كوپ ۋاقىت وتپەي استانادا سيريا داعدارىسىن رەتتەۋ بويىنشا كوپجاقتى كەلىسسوزدەر ۇيىم­­داستىرىلدى. قاڭتاردىڭ ايا­­عىن­دا قازاقستان پرەزيدەنتى نۇرسۇلتان نازارباەۆ نەگىزىندە بي­لىك تارماقتارى اراسىنداعى وكى­لەت­تىكتەردى قايتا ءبولۋ مەن سايا­سي جۇيەنى دەموكراتيالاندىرۋ جات­قان ەلدەگى دەموكراتيالىق جاڭ­عى­رۋ­لاردى ءارى قاراي تەرەڭدەتۋدىڭ جوس­پارىن جاريا ەتتى. ول قازاقستان كوش­باسشىسى 2015 جىلدىڭ ناۋ­رىز ايىندا جاريا ەتكەن بەس ينس­تي­تۋتتىق رەفورمانى جۇزەگە اسى­رۋ­دىڭ اجىراعىسىز بولشەگى بولىپ تا­بىلادى. ديپلومات بۇقارالىق اقپارات قۇرالدارى­نىڭ وكىلدەرىن كونستي­تۋ­تسيا­لىق جانە زاڭ­نا­مالىق وزگەرىستەردىڭ قورىتىندىلارىمەن ەگجەي-تەگجەيلى تانىستىرىپ, رەفور­مانىڭ قازاقستاندى ۋاقىتتىڭ جاڭا سىن-قاتەرلەرىنە دايىندايتىنىن اتاپ كورسەتتى. جاڭا جاعدايلاردا مەم­لەكەت باسشىسىنىڭ قۇزىرەتىنە سترا­تەگيالىق فۋنكتسيالار – بيلىك تار­ماقتارىنىڭ اراسىنداعى قارىم-قا­تىناستاردا جوعارعى تورەشى ءرولى ەنەتىن بولادى. پرەزيدەنت, سون­داي-اق, ءوزىنىڭ نازارىن سىرتقى سايا­ساتقا, ۇلتتىق قاۋىپسىزدىك پەن قور­عا­نىس قابىلەتى ماسەلەلەرىنە شو­عىرلاندىرادى. م.سىزدىقوۆ پرەزيدەنتتىڭ قازىرگى وكىلەت­تىك­تەرىنىڭ بەلگىلى ءبىر ءبو­لىگى ۇكىمەت پەن پارلامەنتكە بەرى­لەتىنىن, مۇنىڭ اتقارۋشى ءجا­نە زاڭ شىعارۋشى بيلىكتىڭ جاۋ­اپ­كەر­شى­لىگى مەن تيىمدىلىگىن ايتار­لىق­تاي جوعارىلاتاتىنىن حابارلادى. مۇن­داي وكىلەتتىكتەردىڭ سانى شاما­مەن 40 شاقتى. وكىلەت­تىك­تەردى بەرۋ كونستيتۋتسيا مەن ءتيىس­تى زاڭدارعا وزگەرىستەر ەنگىزۋ ەسەبى­نەن قامتاماسىز ەتىلەتىن بولا­دى. تۇتاستاي العاندا, پرەزيدەنت ءوز وكىلەتتىكتەرىنىڭ ايتارلىقتاي ءبو­لى­گىن بەرۋدى ءبىر عانا ماقساتتا – ەلدى باس­قارۋدىڭ دامۋدىڭ دەموكراتيا جو­لىمەن ءجۇرىپ كەلە جاتقان زاماناۋي جۇيەسىن قازىرگىدەن دە تيىمدىرەك, ورنىق­تىراق ەتۋدى جۇزەگە اسىرۋ ماقساتىندا قولعا الىپ وتىر. ءوز كەزەگىندە ب.يمانباەۆ جۇرت­شى­لىقتىڭ نازارىن قازاقستاندى ەكو­نوميكالىق جاڭ­عىرتۋدىڭ پرە­زي­دەنتتىڭ جولداۋىندا جاريا ەتىل­گەن ءۇشىنشى كەزەڭىن تۇسىندىرۋگە اۋدار­دى. ول شيرەك عاسىر بەدەرىندە قازاقستاندا ەكى جاڭعىرتۋ جۇزەگە اسى­رىلسا, ولاردىڭ نارىقتىق ەكو­نوميكا قاعيداتتارىنا نەگىز­دەل­گ­ەن جاڭا مەملەكەت قۇرىپ, قازاقستان­نىڭ الەمدەگى باسەكەگە اسا قا­بى­لەتتى 50 ەلدىڭ قاتارىنا ەنۋىنە ءمۇم­كىندىك بەرگەنىن حابارلادى. ب.يمانباەۆ قاتىسۋشىلاردىڭ نازارىن ەلىمىز ەكونوميكاسىنىڭ ءوسۋ قارقىنىنىڭ ورتاشا الەمدىك دەڭ­گەيدەن جوعارى بولۋىن جانە قازاقستاننىڭ الدىڭعى قاتارلى 30 ەلدىڭ قاتارىنا تۇراقتى تۇردە ىلگە­رىلەۋىن قامتاماسىز ەتۋگە ءتيىس بو­لاتىن بەس نەگىزگى باسىمدىققا اۋ­داردى. بۇلارعا ەكونوميكانى جە­دەل تەحنولوگيالىق جاڭعىرتۋ, بيز­نەس-ورتانى تۇبەگەيلى جاقسارتۋ ءجا­نە كەڭەيتۋ, ماكروەكونوميكالىق تۇراق­تىلىق, ادام كاپيتالى ساپاسىن جاقسارتۋ, ينستيتۋتتىق قايتا جاڭعىرۋلار, سونداي-اق, قاۋىپ­سىزد­ىكپەن جانە جەمقورلىقپەن كۇرەس ماسەلەلەرى جا­تادى. ديپلوماتتىڭ سوزىندە جاڭا ەكونوميكالىق باعدارلامانىڭ ماڭىزدى قىرلارى تەحنولوگيالىق جاڭارۋ مەن تسيفرلىق تەحنولوگيالار بازاسىندا جاڭا سالالار قۇرۋ بولىپ تابىلاتىنى اتاپ ءوتىلدى. جاڭا يندۋستريا قۇرۋمەن قاتار, قازاقستان ءداستۇرلى ارقاۋلى سالالارعا ەكپىن بەرەدى. ولار: ونەركاسىپ, اگروونەركاسىپتىك كەشەن, كولىك جانە لوگيستيكا, قۇرىلىس سەكتورى جانە تاعى باسقالار. وسىعان وراي, ۇكىمەتكە «قازاقستاننىڭ ۇلتتىق تەحنولوگيالىق باستاماسى» دەپ اتالاتىن دامۋدىڭ 2025 جىلعا دەيىنگى مەرزىمگە ارنالعان ستراتەگيالىق جوسپارىن جاساۋ تاپسىرىلدى. ب.يمانباەۆ قازاقستان پرە­زي­دەنتىنىڭ جول­داۋى قازىرگى زامانعى سىن-قاتەرلەر مەن جاھاندىق تەح­نو­لوگيالىق وزگەرىستەرگە قيسىندى جاۋاپ بولىپ تابىلاتىنىن اتاپ كور­سەتتى. ويتكەنى, قۇجاتتا ەلدى ءارى قاراي الەۋمەتتىك-ەكونوميكالىق دامىتۋدىڭ ناقتى مەحانيزمدەرى كورىنىس تاپقان. بريفينگتىڭ قورىتىندى ءبولى­گىن­دە قازاق­ستان­دىق ديپلوماتتار رەسەيلىك بۇقارالىق اقپارات وكى­ل­دەرى تاراپىنان قويىلعان سۇ­راقتارعا جاۋاپ بەردى. ماسكەۋ, رەسەي فەدەراتسياسى