جولداۋ عىلىمي اۋقىمدى نەگىزدەرگە سۇيەنگەن

مەملەكەت باسشىسىنىڭ ءۇشىنشى جاڭعىرۋدىڭ بەس باسىمدىعىن جۇزەگە اسىرۋ ماسەلەسى رەسپۋبليكانىڭ عىلىمي قوعامى الدىندا كەڭ كولەمدە تالقىلاندى. قازاقستان ۇلتتىق عىلىم اكادەمياسى «مەملەكەت باسشىسى جولداۋىنىڭ نەگىزگى ماسەلەلەرىن جۇزەگە اسىرۋ تۋرالى مىندەتتەر» تاقىرىبىنا بايلانىستى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى پرەزيدەنت ن.ءا.نازارباەۆتىڭ حالىققا جولداۋىنا بايلانىستى قر ۇعا تورالقاسىنىڭ كەڭەيتىلگەن وتىرىسى بولىپ ءوتتى. بەلگىلى عالىمداردىڭ باسىن قوسقان القالى وتىرىسقا ۇعا تورالقاسىنىڭ اكادە­مي­كتەرى, كوررەسپوندەنت-ءمۇ­شەلەرى, اكادەميانىڭ قۇر­مەت­­تى مۇشەلەرى, جوعارى وقۋ ورىن­دارىنىڭ رەكتور­لارى, عى­لىمي-زەرتتەۋ ين­س­ت­ي­­تۋت­تارىنىڭ ديرەكتورلارى شا­قى­رىل­دى. ەكونوميكا عىلى­مى­نىڭ ايتۋلى بىلگىرى, اكادەميك ساعىندىق ساتىبالدين, اۋىل شارۋاشىلىعى عىلىمدارىنىڭ دوكتورى, اكادەميك راقىمجان ەلەشوۆ, فيزيكا-ماتەماتيكا عىلىمدارىنىڭ دوكتورى, پروفەسسور تولەگەن قوجامقۇلوۆ, فيلولوگ عالىم, اكادەميك ءومىر­زاق ايتباەۆ, ەكونوميكا عى­لىم­دارىنىڭ دوكتورى, پروفەسسور تىلەكتەس ەسپولوۆ سياقتى ءار­تۇر­لى عىلىم سالاسىنىڭ كوشىن ءور­گە سۇيرەپ جۇرگەن جەتەكشى عا­لىمدار ءسوز العان جيىندى ۇعا پرەزيدەنتى, اكادەميك مۇرات جۇرىنوۆ جۇرگىزىپ وتىردى. ول بيىلعى جولداۋدىڭ «قازاقستان-2050» سترا­تە­گيا­لىق ماقساتىنا جەتۋگە ءمۇم­­كىن­دىك بەرەتىن, عالامدىق ءبا­­سە­كەگە قا­بىلەتتىلىكتى قام­تا­ما­سىز ەتە­تىن, ەكو­نوميكالىق ءوسىم­­گە جول اشا­تىن جاڭا مودەل بولىپ تابىلا­تىنىن اي­تا كەلىپ, تاريحي ما­ڭى­زى زور قۇ­­جاتتىڭ باستى ەرەك­شە­لىك­تە­­رىن ايقىنداۋعا باي­لا­نىس­تى عالىمداردى وي-ءپى­كى­رى­مەن بولىسۋگە شاقىردى. س.ساتىبالدين جولداۋدا قازىرگى جاھاندىق احۋال سىني تۇر­عىدان تەرەڭ تالدانىپ, ەكو­نوميكالىق جانە ساياسي-الەۋ­مەت­تىك جولدارىنىڭ انىق­تال­عانىن اي­تىپ, بايانداماسىن ناقتى مى­سال-دەرەكتەرمەن دايەكتەدى. قازاقستان ەكونوميكاعا ينۆەستيتسيا تارتۋ جونىنەن الەمدەگى 185 مەملەكەتتىڭ ىشىندە 42-ورىندى يەلەنەدى. ينۆەستيتسيا تارتۋ, ونى باقىلاۋ, ونىڭ جۇمىس ىستەۋى ءۇشىن تەتىكتەر قالىپتاستىرۋ دەگەن ماسەلە كۇن تارتىبىنەن تۇسپەۋى ءتيىس. ال ينۆەس­تيتسيا دەگەننىڭ ءوزى تەك تىنىشتىق پەن بەيبىتشىلىك سالتانات قۇرعان جەرگە عانا كەلەتىنى انىق. اكادەميكتىڭ ايتۋىنشا, ­جا­ڭا يننوۆاتسيالىق تەحنولوگيانى باسەكەگە قابىلەتتى ۇلتتىق ءبى­لىم بەرۋ جۇيەسىن دامىتۋعا ءجا­نە ونىڭ مۇمكىندىكتەرىن الەم­دىك ءبىلىم دوداسىنا ەن­گىز­ۋ­دەگى سا­باقتاستىققا قول­دا­نۋ نە­گىزگى ءمان­گە يە بولىپ وتىر. سون­داي-اق, قازاقستانداعى شا­­عىن كاسىپورىنداردى, ۇساق كا­سىپ­تەر­دى جانداندىرۋ ماسەلەسى دە ەكونوميكاداعى ۇلكەن ءتۇيىن­دى شەشۋدىڭ ءبىر جولى. پاي­دا­لانىلماي, يگەرىلمەي, جەكە قول­دىڭ يەلىگىندە جۇمىس ىستەمەي وتىر­عان 1 ملن گەكتار جەردى قاي­تارىپ, جەكە كاسىپتىڭ يەلەرىن ۇكى­مەت تاراپىنان 16 ملن-عا دەيىن قارجىلاندىرۋدى باس­تاسا, جولداۋدا ايتىلعان با­سىمدىقتىڭ ۇلكەن ءبىر تار­ما­عى ورىندالعان بولار ەدى. قازاق ۇلتتىق اگرارلىق ۋني­ۆەر­سيتەتىنىڭ رەكتورى ت.ەسپولوۆ ەكو­نوميكانىڭ ەڭسەلى سالاسى بولىپ ەسەپتەلەتىن اۋىل شا­رۋا­شى­لى­عى جايلى, اگرار­لىق الەۋەتى جو­عارى قۋات­تى قازاقستاندا اۋىل­شارۋا­شى­لى­­عى باعىتىنداعى شاعىن ءجا­نە ور­تا كاسىپكەرلىك پەن ءون­دى­رىس قۇ­رىپ, دامىتۋعا سەر­پىن بەرەتىن ءمىن­دەتتەر مەن ونى شەشۋگە بايلا­نىستى تىڭ ۇسى­نىس­تارىمەن ءبو­لىس­تى. ءويت­كە­نى, قۋاتتى قازاقستان دە­گەنىمىز, ەڭ الدىمەن, حالىقتىڭ باسىم ءبو­­­لىگى قونىستانعان اۋىلدىڭ, ءوڭىر­­لەردىڭ, ارينە, اۋىل شارۋا­شى­­لىعىنىڭ قۋاتتىلىعى ەكەنى ءسوزسىز. ەكونوميكانىڭ جەدەل­دە­تىل­­گەن تەحنولوگيامەن قايتا جاب­­دىقتالۋى, سونىمەن قا­تار, اگروونەركاسىپتىك كەشەن, كو­لىك جانە لوگيستيكا, تۇر­عىن ءۇي نارىعىنىڭ دامۋى مەن ونىڭ مەملەكەتتىك قولداۋ مە­حا­نيزمى, ۇشتىلدىلىك, سونداي-اق, قازاق­ستان­­دىق عالىمداردى يننو­ۆا­­­تسيالىق, تسيفرلىق تەحنولو­گيا­­لاردى جاساۋعا قاتىستىرۋ ءجا­نە جالپى جۇرتتى ءۇشىنشى جاڭعىرتۋ ۇدەرىسىنە قاتىستىرۋ تۋرالى عالىمداردىڭ عىلىمي نەگىزگە سۇيەنە وتىرىپ ايتقان عيبراتتى اڭگىمەسى جولداۋدىڭ مازمۇنىمەن سايكەستىك تاۋىپ, پرەزيدەنت كوتەرگەن باستامالاردى بايىتا ءتۇستى. ايگۇل احانبايقىزى, «ەگەمەن قازاقستان» الماتى