Box Sport: گەننادي گولوۆكين - 2016 جىلدىڭ ەڭ ۇزدىك كاسىپقوي بوكسشىسى

Box Sport نەمىس بوكس جۋرنالى 2016 جىلدىڭ قورىتىندىسىن جاريالادى, - دەپ حابارلايدى Vesti.kz. ەڭ ۇزدىك شەتەلدىك بوكسشى بولىپ قازاقستاندىق گەننادي گولوۆكين بولدى, ول ۋكراينالىق ۆاسيلي لوماچەنكو مەن امەريكالىق اندرە ۋوردتى وزىپ كەتتى. 2016 جىلى گولوۆكين ەكى كەزدەسۋ وتكىزدى. ساۋىردە ول امەريكالىق دومينيك ۋەيدتى نوكاۋتقا تۇسىرگەن بولاتىن, ال قىركۇيەكتە ۇلىبريتانيالىق بوكسى كەلل برۋكپەن جەكپە-جەكتى مەرزىمىنەن بۇرىن اياقتادى. ەكى كەزدەسۋدە دە ونىڭ قارسىلاستارى وزدەرىنىڭ سپورت مانسابىندا ءبىرىنشى رەت جەڭىلدى. سونىمەن قاتار, 2016 جىلى GGG ساۋل "كانەلو" الۆارەستىڭ جەكپ-جەكتەن باس تارتۋىنا بايلانىستى ورتا سالماقتاعى WBC بەلبەۋىن يەمدەندى. باسقادا بوكسشىلارمەن قاتار گولوۆكيننىڭ سۋرەتى Box Sport جۋرنالىنىڭ مۇقاباسىنا شىقتى, ول جۋرنال 3 اقپاننان باستاپ ساتىلىمعا شىقتى. سۋرەتتە برۋكپەن تۇسكەن ءساتى بەينەلەنگەن. Box Sport جۋرنالى جەڭىمپازدى ءار ءتۇرلى نوميناتسيالار بويىنشا وقىرماندار مەن قازىلار القاسى تاعايىنداعان. ولاردىڭ قۇرامىندا بوكس الەمىنىڭ ماماندارى مەن جۋرناليستەر كىرگەن. ايتا كەتەيىك, گولوۆكين ءوزىنىڭ كاسىپقوي بوكستاعى سپورتتىق مانسابىن گەرمانيادان باستاعان. 2006-2010 جىلدارى ارالىعىندا ول نەمىستىڭ Universum پروموۋتەرلىك كومپانياسىمەن كەلىسىم شارتتا جاساسقان. گامبۋرگ سوتى ارقىلى كەلىسىمشارتتى بۇزىپ, گولوۆكين اقش-قا بارعان. ونىڭ 36 كەزدەسۋىنىڭ 17 جەكپە-جەگى گەرمانيادا وتكەن.