الداعى ءۇش كۇنگە ارنالعان اۋا رايى

«قازگيدرومەت» رمك 2017 جىلدىڭ 4-6 اقپان ارالىعىنا اۋا رايى بولجامىن جاريالادى. قازاقستانعا كەلگەن بەلسەندى ءارى قۋاتتى تسيكلون 4 اقپان كۇنى ەلىمىزدىڭ اۋماعىنان كەتەدى. بىراق, ونىمەن بىرگە كەلگەن اتموسفەرالىق اعىمدار دەمالىس كۇنگى اۋا رايىنا ءوز ىقپالىن تيگىزەدى. سوندىقتان رەسپۋبليكانىڭ كوپ وبلىستارىندا قار ءتۇسىپ, بۇرقاسىنعا بايلانىستى جولدىڭ كورىنىسى 200-500 مەترگە دەيىن قيىندايدى, جەلدىڭ جىلدامدىعى 17-25 م/س جەتەدى. وڭتۇستىكتەگى وبلىستار دەمالىس كۇندەرى تسيكلونداعى اۋا اعىمدارىنىڭ ىقپالىندا بولادى. بۇل اۋماقتا دا قار جاۋىپ, تۇمان ءتۇسىپ, كوكتايعاق بولىپ كەي جەرلەردە 18-25 مەتر سەكۋندتىق قاتتى جەل تۇرادى. قىسقى ۋنيۆەرسيادا ءوتىپ جاتقان الماتى وبلىسىنىڭ تاۋلى جانە تاۋ بوكتەرىندەگى اۋدانداردا اۋا رايى قولايسىز بولادى. سەنبى كۇنى بۇل اۋداندا قالىڭ قار ءتۇسىپ, تۇمان مەن ەكپىندى جەل سوعادى دەپ كۇتىلۋدە. رەسپۋبليكانىڭ اۋماعىندا قاردىڭ ءتۇسۋىن توقتاتىپ, اۋا تەمپەراتۋراسىن كليماتتىق نورمادان 3-5 ºس-قا تومەندەتىپ, تسيكلوننان كەيىن سۋىق انتيتسيكلون كەلە باستايدى. بىراق بۇنداي سۋىق اۋا رايى قىسقا مەرزىمگە سوزىلادى. سەبەبى, كەلەسى تسيكلون 6 اقپان كۇنى قازاقستاننىڭ باتىس بولىگىنە اۋىسىپ, كۇن جىلىنادى.