03 اقپان, 2017

«بايەر» ويىنشىسى ماۋسىم سوڭىنا دەيىن جازالاندى

94 رەت
كورسەتىلدى
1 مين
وقۋ ءۇشىن
«بايەر» ويىنشىسى حاكان چالحانوگلۋ ترانسفەرلىك ەرەجەنى ساقتاماعانى ءۇشىن ءتورت ايعا جازالاندى. وسىعان بايلانىستى ول ماۋسىم سوڭىنا دەيىن الاڭعا شىعا المايدى. مۇنداي شەشىمدى فيفا باسشىلىعى قابىلدادى, دەپ حابارلادى eurosport.ru. بۇل وقيعا 2011 جىلى بولعان. گەرمانيانىڭ «كارلسرۋە» كومانداسىندا ءجۇرىپ, «ترابزونسپورمەن» كەلىسىمگە كەلگەن. الايدا, نەمىس كومانداسىمەن كەلىسىمشارتىن ۇزارتىپ, ارتىنشا «گامبۋرگكە» اۋىسىپ كەتكەن. فيفا باسشىلىعى وسى جەردە ەرەجە بۇزدى دەپ ەسەپتەگەن. چالحانوگلۋ وسى ماسەلەگە قاتىستى ءوز ويىن ءبىلدىردى. «ول كەزدە 17 جاسىمدا «كارلسرۋە» كلۋبىندا دوپ تەۋىپ جۇرگەنمىن. دوستارىمنان اكەم دارمشتادتا «ترابزونسپور» وكىلدەرىمەن كەزدەسەتىنى تۋرالى ەستىپ قالدىم. ۇيگە كەلگەنىمدە ول تۇرىك كومانداسىمەن كەلىسىمشارتقا وتىرۋىم كەرەكتىگىن ايتتى. بىراق قازىر قاتەلىك جىبەرگەنىن مويىنداپ, وكىنىپ ءجۇر. قانداي جاعداي بولماسىن ول مەنىڭ اكەم», – دەدى حاكان.
سوڭعى جاڭالىقتار

الماتى وبلىسىندا جەر سىلكىنىسى سەزىلدى

توتەنشە جاعداي • بۇگىن, 14:45