پرەزيدەنت سالىق زاڭناماسىن جەڭىلدەتۋدى تاپسىردى

نۇرسۇلتان نازارباەۆ سالىق زاڭناماسىن جەڭىلدەتۋدى تاپسىردى. بۇل تۋرالى مەملەكەت باسشىسى ۇكىمەتتىڭ كەڭەيتىلگەن وتىرىسىندا ايتتى. "سالىق زاڭناماسىنىڭ كۇردەلىلىگى كەدەرگى كەلتىرەدى. مىسالى, سالىق تولەۋشى قوسىمشا قۇن سالىعى بويىنشا سالىق كودەكسىنىڭ 82 بابىن ءبىلۋ كەرەك. ءوز كەزەگىندە ءار باپتا 268 سىلتەمە بار بولسا, ولاردىڭ ەكى ءجۇز التىسىندا تاعى دا ءارى قاراي سىلتەمەلەر كورسەتىلەدى. سىزدەر قانداي جاعداي جاساعانسىزدار؟ سىزدەر ۇكىمەتكە قارسى جۇمىس ىستەپ جاتىرسىزدار. بۇل ماسەلەمەن ەندى كىم اينالىسادى؟ ولار (كاسىپكەرلەر - اۆتور.) جۇمىس ىستەي مە الدە وسى قاعازداردى اقتارىپ وتىرا ما؟", - دەدى نازارباەۆ. "راسىندا دا بىزدە سالىق كودەكسىنە قاتىستى پروبلەما بار", - دەدى قارجى ءمينيسترى پرەزيدەنتكە. "سالىق كودەكسىن قاراپ كورىڭىزدەرشى, بىرەۋ ونى دۇشپاندىلىقپەن جاساعان. كودەكستى الىپ, ونداعى باپتاردى تۇسىنىكتى ەتىپ, بارىنشا قاراپايىم تىلمەن جەڭىلدەتىڭىزدەر", - دەدى پرەزيدەنت. "تاپسىرما بەرىلدى, كودەكستى جەڭىلدەتەمىز", - دەدى مينيستر باقىت سۇلتانوۆ ۆەدومستۆونىڭ وسى ماسەلەمەن اينالىسىپ جاتقانىن ايتا وتىرىپ. "سالىق زاڭناماسى بارىنشا وڭاي ءارى تۇسىنىكتى بولۋى كەرەك. تەكسەرىس جۇرگىزۋ كەرەك, بارلىق سالىق جەڭىلدىكتەرى مەن پرەفەرەنتسيالارىن الىپ تاستاۋ كەرەك. سالىق زاڭناماسى ىسكەرلىك بەلسەندىلىكتى ارتتىرۋ كەرەك", - دەدى مەملەكەت باسشىسى.