ەلوردادا مەملەكەتتىك باعدارلاماعا قاتىسۋشىلارعا پاتەر ءبولۋ باستالدى

استانادا 2008-2010 جىلدارعا ارنالعان تۇرعىن ءۇي قۇرىلىسىنىڭ مەملەكەتتىك باعدارلاماسىنا قاتىسۋشىلارعا پاتەرلەر ءبولۋ باستالدى, دەپ حابارلايدى قالا اكىمدىگىنىڭ سايتى. قالالىق تۇرعىن ءۇي باسقارماسىنىڭ حابارلاۋىنشا, قازىرگى ۋاقىتتا كوممۋنالدىق مەنشىككە سارايشىق كوشەسىنىڭ وڭ جاعىنداعى (جۇماباەۆ كوشەسىنىڭ شىعىسىنا قاراي لوت 1 (لوت 5) ورنالاسقان تۇرعىن ءۇي كەشەندەرىنەن ءۇش بولمەلى پاتەرلەر تاپسىرىلدى. وسىعان بايلانىستى, تۇرعىن ءۇي كوميسسياسىنىڭ 2017 جىلعى 24 قاڭتارداعى وتىرىسىندا, العان بالدارىنا سايكەس وسى كۇنگە دەيىن تۇرعىن ۇيمەن قامتاماسىز ەتىلمەگەن تۇرعىن ءۇي كوميسسياسىنىڭ وڭ شەشىمىن العان ازاماتتار اراسىندا, كورسەتىلگەن تۇرعىن ءۇي كەشەندەرىنەن پاتەرلەر ءبولۋ جۇرگىزىلدى. ءتىزىمدى مىنا سىلتەمە بويىنشا كورۋگە بولادى. استانا قالاسىنىڭ تۇرعىن ءۇي باسقارماسى پاتەرلەردى ساتىپ الۋ-ساتۋ شارتتارىن جاساۋ بويىنشا جۇمىست باستادى (سەيفۋللين كوشەسى, 30 ءۇي, 11 كابينەت). ساتىپ الۋ-ساتۋ شارتتارىن جاساۋ جۇمىس كۇندەرى ساعات 8.30-دان 13.00-گە دەيىن جۇرگىزىلەدى.