ەۋروپا چەمپيوناتىنا قاتىسقان ويىنشىلارى ءۇشىن قازاقستان كلۋبتارى سىياقى الادى

ۋەفا باسشىلىعى ەۋرو-2016 دوداسىنا جانە ونىڭ ىرىكتەۋ كەزەڭىنە قاتىسقان بارلىق 54 ەلدىڭ كلۋبتارىنا 150 ميلليون ەۋرو قاراجات ءبولدى. بۇل تۋرالى sports.kz حابارلادى. وسىعان بايلانىستى 641 كلۋب ۋەفا-دان تولەماقى الادى. ءدۇبىرلى دودا اياسىندا بارلىعى 329 ماتچ ءوتتى, ونىڭ – 278-ءى ىرىكتەۋ, ال قالعان 51 ويىن – فينالدىق كەزەڭ. 2015 جىلى ۋەفا مەن ەۋروپا كلۋبتارىنىڭ قاۋىمداستىعى اراسىنداعى ءوزارا تۇسىنىستىك تۋرالى مەموراندۋم شارتتارى بويىنشا, كوماندالارعا 150 ميلليون ەۋرو تولەنەدى. سالىستىرمالى تۇردە الساق, بۇل 2012 جىلعىدان 50 ميلليونعا ارتىق. ۋەفا اتقارۋ كوميتەتى بەكىتكەن تابىستى ءبولۋ پرينتسيپىنە سايكەس, 100 ميلليون ەۋرونى ويىنشىلارى ەۋرو-2016 فينالدىق كەزەڭىندە ويناعان كلۋبتار الادى. قالعان 50 ميلليون ەۋرو ويىنشىلارى ىرىكتەۋ ماتچتارىندا ويناعان كلۋبتارعا بەرىلەدى. مۇندا ويىنشىلاردىڭ فينالدىق كەزەڭگە شىققانى نەمەسە شىقپاعانى ماڭىزدى ەمەس. قازاقستاننىڭ 12 كلۋبى جالپى سوماسى 1 199 386 مىڭ ەۋرو قاراجات الادى: 1. «قايرات» - 316 225 2. «اقتوبە» - 239 664 3. «استانا» - 217 489 4. «ورداباسى» - 150 355 5. «شاحتەر» - 87 707 6. «تاراز» - 50 118 7. «اتىراۋ» - 45 941 8. «ەرتىس» - 33 412 9. «توبىل» - 29 235 10. «قايسار» - 16 706 11. «جەتىسۋ» - 8 353 12. «وقجەتپەس» - 4 176.