«قايرات» ويىنشىسى اۋىر دەرتكە شالدىقتى

فۋتزالدان «قايرات» كومانداسىنىڭ جانە برازيليا ۇلتتىق قۇراماسىنىڭ قورعاۋشىسى نەتو ميدىڭ قاتەرلى ىسىگىنە شالدىقتى. بۇل تۋرالى sports.kz حابارلادى. بۇعان دەيىن الماتىلىق كوماندا فۋتبولشىنىڭ جاراقاتىنا بايلانىستى برازيليا مەن كاتالونيا قۇرامالارىنىڭ اراسىنداعى جولداستىق كەزدەسۋگە قاتىسپايتىنىن رەسمي مالىمدەگەن. كەيىنىرەك SporTV كوممەنتاتورى مارسەلو رودريگەس ءوزىنىڭ بلوگىنا قورعاۋشىنىڭ اۋىر دەرتكە شالدىققانىن جازعان. «ەكى اپتا بۇرىن «قايراتتا» جاتتىعۋ جاساپ جۇرگەنىمدە ءوزىمدى جايسىز سەزىندىم. تەكسەرۋدەن وتكەنىمنەن كەيىن ميىمدا ىسىك بارى انىقتالدى. برازيلياعا كەلگەنىمنەن كەيىن قايتادان اناليز تاپسىردىم. مۇندا دا سول دياگنوزدى قايتالادى. ەرتەڭ وتا جاساتامىن. مەن ءۇشىن قۇدايدان دۇعا جاساپ, تىلەۋىمدى تىلەسەڭىزدەر العىسىم شەكسىز بولار ەدى», – دەدى نەتو. «قايرات» ويىنشىسىنا بۇگىن تۋعان قالاسى ۋبەرلانديادا وتا جاسالادى.