ۇكىمەتتە ەلباسىنىڭ قاتىسۋىمەن كەڭەيتىلگەن وتىرىس وتۋدە

استانادا مەملەكەت باسشىسى نۇرسۇلتان نازارباەۆتىڭ قاتىسۋىمەن ۇكىمەتتىڭ كەڭەيتىلگەن وتىرىسى وتۋدە. ۇكىمەت وتىرىسىندا پرەمەر-مينيستر باقىتجان ساعىنتاەۆ پرەزيدەنتكە جىلدىڭ باسى ماڭىزدى وقيعالارعا تولى بولعانىن ايتتى. ء"بىز وسى اپتاداعى ءسىزدىڭ جولداۋىڭىزدا ايتىلعان مىندەتتەر مەن تاپسىرمالاردى ورىنداۋعا كىرىسىپ كەتتىك. ۇكىمەتتىڭ ارنايى وتىرىسىن وتكىزىپ, ەكونوميكالىق ءوسىمنىڭ جاڭا مودەلىن جاساۋ ءۇشىن ءىس-شارالار جوسپارىن بەلگىلەدىك. جولداۋ بويىنشا ءار تاپسىرماعا جاۋاپتى ادامداردى بەكىتتىك", دەدى پرەمەر-مينيستر نۇرسۇلتان نازارباەۆقا. «ۇكىمەت ساياسي رەفورمانى ءسىزدىڭ تاپسىرماڭىزعا  سايكەس ىسكە اسىرۋدى باستادى.  وسىعان وراي مەملەكەتتىك بيلىك تارماقتارى اراسىندا وكىلەتتىكتى ءبولۋ بويىنشا ءتيىستى زاڭ جوباسى دايىندالىپ  جاتىر. سونىمەن قاتار ەكسپو-2017 كورمەسىنە دە ازىرلىك جۇمىستارى اياقتالۋعا  جاقىن. حالىققا جاساعان ۇندەۋلەرىڭىزدە بەرىلگەن تاپسىرمالارىڭىزدى بۇلجىتپاي ورىنداۋ جۇمىسىمىزدىڭ ەڭ باستى مىندەتى.  ۇكىمەت ءسىزدىڭ سەنىمىڭىزدى جوعارى  باعالايدى جانە ءسىزدىڭ الدىڭىزداعى ۇلكەن جاۋاپكەرشىلىكتى بارىنشا سەزىنەمىز», - دەدى باقىتجان ساعىنتاەۆ. ەستەرىڭىزگە سالا كەتسەك, قاڭتار ايىندا مەملەكەت باسشىسى رەسپۋبليكالىق تەلەارنالار ارقىلى ەكى رەت مالىمدەمە جاسادى. ال پرەزيدەنتتىڭ قازاقستان حالقىنا جولداۋى 31 قاڭتار كۇنى "ەگەمەن قازاقستان" گازەتىندە جاريالاندى.