2016 جىلى قازاقستاندا 5 مىڭ شەتەلدىك ەمدەلدى

وتكەن جىلى قازاقستاننىڭ مەديتسينالىق ۇيىمدارىندا ەمدەلگەن شەتەل ازاماتتارىنىڭ سانى 2015 جىلمەن سالىستىرعاندا 28%-عا ارتىپ, 5 مىڭ ادامدى قۇرادى, دەپ حابارلايدى قر دسم ءباسپاسوز قىزمەتى. مەديتسينالىق قىزمەتتەر تۇركيا, ءۇندىستان, رەسەي, ۇلىبريتانيا, اقش, كورەيا, قىتاي سىندى الىس-جاقىن شەتەل ازاماتتارىنا كورسەتىلدى. شەتەلدىك پاتسيەنتتەردىڭ اراسىندا كونسۋلتاتيۆتىك-دياگنوستيكالىق, ستاتسيونارلىق, نەيروحيرۋرگيالىق, كارديوحيرۋرگيالىق, تراۆماتولوگيالىق قىزمەتتەر, سونىمەن بىرگە, ترانسپلانتولوگيا جانە ت.ب. سۇرانىسقا يە. «نەيروحيرۋرگيا ۇلتتىق ورتالىعى پاتسيەنتتەرگە مەديتسينالىق كومەك كورسەتۋ ساپاسىنىڭ Joint Commission International ەڭ جوعارى حالىقارالىق ستاندارتىمەن سەرتيفيكاتتالعان. اتالعان ۇيىم الەم بويىنشا شەتەل ازاماتتارىنا ارنالعان اۋرۋحانالاردى تەكسەرىپ, ستاندارتتاۋمەن اينالىسادى. ورتالىقتىڭ بۇل ستاندارتتارعا ساي كەلۋى - مەديتسينالىق ءتۋريزمنىڭ حالىقارالىق نارىعىنا جول اشتى», - دەيدى «نەيروحيرۋرگيا ۇلتتىق ورتالىعى» اق-نىڭ باسقارما باسشىسى سەرىك اقشولاقوۆ. «العاشقى جىلدارى نەيروحيرۋرگيا ورتالىعىنا مەديتسينالىق تۋريزم بويىنشا قابىلدانعان ادامدار سانى از بولاتىن. وتكەن جىلى الىس جاقىن شەتەل مەن تمد ەلدەرىنەن ەمدەلۋگە 35 پاتسيەنت كەلدى. ءبىزدىڭ ورتالىقتا ەم العىسى كەلەتىن شەتەلدىكتەر سانى كۇن ساناپ وسۋدە. 8 جىلدا نەيروحيرۋرگيا ۇلتتىق ورتالىعىندا 180-نەن استام شەتەل ازاماتتارىنا وتا جاسالدى», - دەپ ءمالىم ەتتى ول. دەنساۋلىق ساقتاۋ جۇيەسىن جاڭعىرتۋ - پاتسيەنتتەرگە مەديتسينالىق كومەك كورسەتۋ شارالارىنىڭ ساپاسى مەن قولجەتىمدىلىگىن, قاۋىپسىزدىگىن ارتتىرىپ, ەلىمىزدەگى مەديتسينالىق ءتۋريزمدى دامىتۋعا جاعداي جاسادى. ايتا كەتۋ كەرەك, قازاقستاندا كورسەتىلەتىن مەديتسينالىق قىزمەتتەردىڭ باعاسى شەتەلدە كورسەتىلەتىن قىزمەتتەردەن الدەقايدا ارزان.