دارىگەرلەرگە ارنالعان ءدارىس

پارلامەنت ءماجىلىسىنىڭ دەپۋتاتتارى ەلورداداعى ۇلتتىق عىلىمي كارديولوگيالىق ورتالىقتا «نۇر وتان» پارتياسى قالالىق «وركەنيەت» فيليالىنىڭ مەديتسينالىق قىزمەتكەرلەرىمەن كەزدەستى.   ءماجىلىس دەپۋتاتتارى گۇلجان قارا­­­­عۇسوۆا مەن تاتيانا ياكوۆلەۆا كەز­دەسۋ بارىسىندا پرەزيدەنتتىڭ بيلىك تار­ماق­تارى اراسىنداعى وكىلەتتىكتەردى قايتا ءبولۋ جونىندەگى ۇندەۋىنىڭ جانە «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جول­داۋى­نىڭ ءمان-ماڭىزىن ءتۇسىندىردى. سونداي-اق, وسى جيىندا «نۇرلى جەر» تۇرعىن ءۇي قۇرىلىسى باعدارلاماسىنىڭ جوباسى تالقىلاندى. گ.قاراعۇسوۆا ءوز سوزىندە ەلىمى­زدىڭ باسقارۋ جۇيەسى ەلەۋلى وزگەرىستەرگە باعىت العانىن اتاپ ءوتتى. «باسقارۋ وكىلەتتىكتەرىنىڭ ءبىر بولىگىن پارلا­مەنت پەن ۇكىمەتكە بەرۋدىڭ ارقاسىن­دا بيلىك تارماقتارىنىڭ ءوزارا ءىس-قيمىلىنىڭ جاڭا ۇلگىسى پايدا بولا­دى. ماسەلە وسى تۋرالى بولىپ وتىر. پارلامەنت پەن ۇكىمەتتىڭ قوعام ال­دىن­داعى جاۋاپكەرشىلىگىن ارتتىرۋ جۇمىس ساپاسىنا دا وڭ ىقپال ەتەدى. ماسەلەن, بۇرىن وسىعان دەيىن ۇكىمەت باعدارلامانى ازىرلەپ, ونى پرەزيدەنت بەكىتەتىن. ەندى باعدارلامالار­دىڭ ورىندالۋ جاۋاپكەرشىلىگى, بولىنگەن قاراجاتتاردىڭ يگەرىلۋى, بارلىعى ۇكىمەتتىڭ جاۋاپكەرشىلىگىنە وتەدى», – دەدى دەپۋتات. ت.ياكوۆلەۆا مەديتسينا قىزمەت­كەر­لەرىنە «نۇرلى جەر» تۇرعىن ءۇي قۇرىلىسى باعدارلاماسى جوباسىنىڭ جاي-جاپسارى تۋرالى بايانداپ بەردى. ونىڭ ايتۋىنشا, باعدارلامادا باسپا­نانىڭ قولجەتىمدىلىگىن ارتتىرۋدىڭ, قۇرىلىس كومپانيالارىن تۇرعىن ءۇي سالۋعا ىنتالاندىرۋدىڭ جولدارى قاراس­تىرىلعان. دەپۋتاتتىڭ ءسوزىن ۇلتتىق ەكونو­ميكا مينيسترلىگى قۇرىلىس جانە تۇر­عىن ءۇي-كوممۋنالدىق شارۋاشىلىق ءىس­تەرى كوميتەتى توراعاسىنىڭ ورىن­با­سارى باقىتجان كاچاكوۆ تولىقتىر­دى. «قۇرىلىس جۇمىستارىن باستاماس بۇرىن  قاي وڭىردە قانشا ءۇي سالۋ كەرەك, ونىڭ باعاسى قاي شامادا بولۋعا ءتيىس دەگەن ماسەلەلەردى جوسپارلاپ العان ءجون. قانداي كاتەگورياداعى ازامات­تار باسپاناعا وتە ءزارۋ؟ ونى دا انىق­تاپ الماقپىز. تۇرعىن ءۇي نارىعى­نا تالداۋ جاساي وتىرىپ, وڭىرلەر­دەگى باسپاناعا دەگەن سۇرانىس دەڭگەيى­نە كوز جەتكىزۋ قاجەت. وسى ساۋالدار­دىڭ بارىنە الەۋمەتتىك ساۋالداما جۇرگىزۋ ارقىلى جاۋاپ الاتىن بولامىز», – دەدى ب.كاچاكوۆ. تالقىلاۋ بارىسىندا ءماجىلىس دەپۋتاتتارى, «نۇرلى جەر» باعدارلا­ماسىنىڭ جوباسىن ازىرلەۋگە قاتىس­قان قۇزىرلى ورگان وكىلدەرى كەزدەسۋگە كەلگەن ادامداردىڭ سۇراقتارىنا ەگ­جەي-تەگجەيلى جاۋاپ بەردى. ايتا كەتەيىك, «نۇر وتان» پارتيا­سىنىڭ قالالىق «وركەنيەت» فيليالى پرە­زيدەنتتىڭ بيلىك تارماقتارى ارا­سىندا وكىلەتتىكتەردى قايتا ءبولۋ ماسە­لەلەرى جونىندەگى ۇندەۋىن, سونىمەن قاتار, مەملەكەت باسشىسىنىڭ حالىققا ار­ناعان جولداۋىن ەلورداداعى مەدي­تسينالىق ەڭبەك ۇجىمدارىنا ءتۇسىن­دىرۋ جۇمىستارىن جالعاستىرا بەرەتىن بولدى. ارنۇر اسقار, «ەگەمەن قازاقستان» استانا