ەلىمىزدىڭ جولى تالايعا ۇلگى

سىرتقى ىستەر ءمينيسترى قايرات ءابدىراحمانوۆ ەلدە تىركەلگەن ديپلوماتيالىق كورپۋسپەن كەزدەستى. كەزدەسۋ بارىسىندا ول ەلشىلەرگە پرەزيدەنت نۇرسۇلتان نازارباەۆتىڭ كونستيتۋتسيالىق رەفورمالار بويىنشا نەگىزگى ۇسىنىستارى مەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ نەگىزگى قاعيدالارىن تانىستىردى. ءمينيستردىڭ ايتۋىنشا, ساياسي جانە الەۋمەتتىك-ەكونوميكالىق سالالاردا ن.ءا.نازارباەۆ باستاما ەتكەن كەڭ اۋقىمدى رەفورمالار قازاقستان دامۋىنداعى جاڭا پرو­گرەستى قامتاماسىز ەتۋگە, ەل­دى ودان ءارى دەموكراتيالاندىرۋعا, مەم­­لەكەتتىك باسقارۋ جۇيەسىن جانە ۇلت­­تىق ەكونوميكانى ەل دامۋىنىڭ زا­ماناۋي كەزەڭى مەن وزەكتى گەوسايا­سي جانە گەوەكونوميكالىق جاع­داي­لارعا بەيىمدەۋگە باعىت­تال­عان. «بۇل رەفورما ەلدى قازىرگى زا­مانعا ساي دامىتۋ قاعيداتىنا نە­گىز­دەلە وتىرىپ جاسالعان, سەبەبى, بۇل جولمەن الەمنىڭ دەموكراتيا جولىن ۇستانعان تاجىريبەلى ەلدە­رى ءجۇرىپ ءوتتى. ول, ەڭ الدىمەن, ات­قا­رۋشى جۇيەنىڭ تيىمدىلىگىن جو­عارىلاتۋعا نەگىزدەلگەن. ونىڭ وزە­گىندە قانداي ماسەلە جاتىر دەگەن­گە كەلسەك, بيلىك تارماقتارى اراسىندا وكىلەتتىكتەردى ءبولۋ ءبىز­دىڭ ساياسي جۇيەمىزدىڭ دە­موكراتيا­لا­نۋىنا الىپ كەلەرى انىق. ەندى ۇكىمەت پەن پارلامەنتتىڭ ءرولى مەيلىنشە ارتا تۇسپەك. بۇل جەردە ءبىز ايرىقشا ءمان بەرەتىن ەكى ماڭىزدى سالا بار. بىرىنشىدەن, الەۋ­مەتتىك-ەكونوميكالىق وكى­لەت­تىك­تەردى پرەزيدەنتتەن اتقارۋشى بي­لىككە بەرۋدىڭ ماڭىزى بار, ال بيلىك وكىلەتتىگىن بۇلايشا ءبو­لۋ زاڭعا وزگەرىس ەنگىزۋدى تالاپ ەتە­دى. ەكىنشىسى – اناعۇرلىم قيىن ءمىن­دەت. بۇل – كونستيتۋتسيالىق دەڭ­گەي­دە ۇكىمەت, بيلىكتىڭ تارماقتارى ارا­سىن­داعى قارىم-قاتىناستى تەپە-تەڭ­دىكتە ۇستاۋ», – دەدى سىرتقى ءىس­تەر ءمينيسترى. قايرات ءابدىراحمانوۆ بۇعان قو­­سا, پارلامەنتتىڭ ءرولىن نىعاي­تۋ­دىڭ ماڭىزدى ەكەنىن دە اتاپ ءوتتى. «پارلامەنتتىڭ ءرولىن كۇشەيتۋ – وتە وزەكتى ماسەلە. بۇل قازاقستان ۇكى­مەتىنىڭ پارلامەنت الدىنداعى جاۋ­اپ­كەرشىلىگىن دە كەڭەيتە ءتۇ­سە­دى. پارلامەنتتىك سايلاۋلار­دا جە­ڭىسكە جەتكەن پارتيا ۇكىمەتتى قا­لىپ­تاستىرۋدا شەشۋشى رولگە يە بو­­لادى. وسى ارقىلى سايلانعان بي­لىك­­تىڭ اتقارۋشى بيلىكتىڭ ۇستىنەن با­­قىلاۋى كۇشەيە تۇسپەك», – دەدى مينيستر. سونداي-اق, ەلىمىز سىرتقى سايا­سات ۆەدومستۆوسىنىڭ باسشىسى قازاقستان رەسپۋبليكاسىنىڭ كون­ستيتۋتسياسى مەن زاڭدارىنا ۇسى­نىلۋداعى تۇزەتۋلەردى ەل حال­قى­مەن كەڭىنەن تالقىلاۋعا مەم­لە­كەت­تىڭ ايرىقشا ءمان بەرىپ وتىر­عا­نىن اتاپ ءوتتى. وسى ورايدا ق.ءابدىراحمانوۆ مۇنداي پىكىر­تا­لاس­تاردىڭ ناتيجەسىندە ەلدىڭ بي­لىك وكىلەتتىكتەرىن ءبولۋ جۇيەسىن كە­مەلدەندىرۋ بويىنشا مازمۇندى ءجا­نە سىندارلى ۇسىنىستار تۋىن­دايتىندىعىنا سەنىم ءبىلدىردى. سىرتقى ىستەر ءمينيسترى شەتەل­دىك ديپلوماتتاردىڭ نازارىن قازاقستاندا يننوۆاتسيالىق-تەح­نو­لوگيالىق وندىرىستەردى دامى­تۋ ءۇشىن با­رىنشا جاعىمدى جاع­­- د­ايلار جاساۋ­دى كوزدەيتىن ب­ي­ىلعى جولداۋدىڭ باستى با­عىت­تارىنا اۋدارىپ, ەلشىلەردى ەكو­نوميكالىق ديپ­لوماتيا شەڭ­بەرىنە سايكەس, بەلسەندى تۇردە ءوز ەلدەرىن قازاقستانمەن ءوزارا ءتيىم­دى ىنتىماقتاستىقتىڭ جاڭا پەرسپەكتيۆالارىمەن تانىستىرۋعا شاقىردى. بۇعان قوسا, ق.ءابدىراحمانوۆ ەلى­مىزدىڭ بۇۇ قاۋىپسىزدىك كەڭە­سىن­دەگى مۇشەلىگى قازاقستاننىڭ يادرو­لىق قارۋدان ازات الەم قۇرۋ ءجو­نىن­- ­د­ەگى باس­تامالارىن, باسقا دا سى­رت­قى ساياسي يگى ۇستانىمدارىن ال­عا جىلجىتۋعا جول اشاتىنىن ءسوز ەتتى. سونىمەن قاتار, ول قازاقستان كەڭەستىڭ تۇراقتى ءجا­نە تۇ­راقتى ەمەس مۇشەلەرىمەن, بۇۇ-عا مۇشە بارلىق مەملەكەتتەر­مەن ءتيىمدى ءوزارا ىقپالداستىق ورنا­تۋ­عا جاڭا مۇمكىندىكتەر الاتىنىن ايت­تى. شەتەلدىك ديپلوماتيالىق كورپۋس, سونداي-اق, 2017 جىلدىڭ 10 قاڭ­تارىندا نيۋ-يورك قالاسىندا ۇسى­نىلعان قازاقستان پرەزيدەنتى ن.نازارباەۆتىڭ بۇۇ قاۋىپسىزدىك كە­ڭەسىنىڭ مۇشەلەرىنە باعىتتاعان ساياس­ي ۇندەۋىندە كورىنىس تاپقان قا­زاقستاندىق ديپلوماتيانىڭ نەگىزگى با­سىمدىقتارىمەن دە ەگجەي-تە­گ­جەيلى تانىستىرىلدى. بۇدان بولەك, جيىن بارىسىن­دا قازاقستاننىڭ ەقىۇ, شىۇ, اوسشك, يىۇ, تمد, ۇقشۇ سىندى كوپجاقتى قۇ­رى­­لىمدار شەڭ­بەرىندەگى حال­ىق­ارالىق ءارىپ­تەستەرمەن ىن­تى­ماق­تاس­تى­عىنىڭ ءما­­سەلەلەرى قوز­عال­دى. سىرت­قى ىستەر مي­نيسترى شەت ەلدە­ر­دىڭ ەكسپو-2017 حا­لىق­ارا­لىق مامانداندىرىلعان كور­مە­سى­نە قاتىسۋ ماسەلەلەرىنە ءبو­لەك توق­تا­لىپ, بۇگىنگە دەيىن كور­مەگە 112 مەم­لەكەت مەن 19 حا­لىق­ارا­لىق ۇيىم­نىڭ قاتىسۋى ناق­تى­لان­عا­نىن جەت­كىزدى. كەزدەسۋ قورىتىندىسى بويىنشا, كۇن تارتىبىندەگى حالىقارالىق جانە ايماقتىق وزەكتى ماسەلەلەر بويىنشا پىكىر الماسىلدى جانە قازاقستاندىق مينيستر شەتەلدىك ديپ­لوماتيالىق كورپۋستى قى­زىق­تىر­عان سۇراقتارعا ەگجەي-تەگجەيلى جاۋاپ بەردى. ءلايلا ەدىلقىزى, «ەگەمەن قازاقستان»