وتە ورىندى بولدى

«ەگەمەن قازاقستان» گازەتىنىڭ 2017 جىلى قاڭتاردىڭ 5 جۇل­دىزىندا جارىق كورگەن «الىپپە نەدەن ايىپتى بولدى؟» ماقالاسى ويىما قوزعاۋ سالدى. ءوزىم مەك­تەپتە ورىس ءتىلى ءپانىنىڭ مۇعا­لى­مىمىن. ارينە, ءبىلىم جانە عى­لىم مينيستر­لىگىنىڭ جاڭا وقۋ باع­­دار­­لاما­سىنا جاڭا رەفورما ەنگىز­گە­نىنە قارسى ەمەسپىز, دامىعان ەل­دەر­دىڭ قاتارىنا قوسىلۋ ءۇشىن بالا­لار­دىڭ جاڭا زامان تالابىنا ساي ساپالى ءبىلىم العانىن ۇستازدار دا, اتا-انالار دا قولدايدى. شىنى كەرەك, تەحنولوگيانىڭ عارىشتاپ دامىپ جاتقان زامانىندا ساۋاتسىز بالا بار دەپ ايتا المايسىڭ. شىندىقتى ايتۋ كەرەك, ءاربىر اتا-انا بالاعا پلانشەت نەمەسە سمار­ت­فون الىپ بەرەدى, بەسىكتەن ءالى بەلى شىقپاعان بالا سول تەلە­فون­نىڭ قالاي اشىلاتىنىن, قاي جەردە قانداي فۋنكتسياسى بار ەكەنىن جاقسى بىلەدى. ول تەلەفونداردىڭ ىشىنە قازاقشا سوزدىكتەر, ءارىپ­تەردى, سانداردى قايتالايتىن باع­دار­لامالار ەنگىزىلگەن. كەيبىر بالالار ساناۋدى, ارىپتەردى جازۋدى سودان ۇيرەنەدى. دەگەنمەن بارلىق بالا بىردەي ەمەس. مىسالى, اتا-انالار ۇل-قىزدارىن بالاباقشاعا بەرەدى, كەيبىرى اتا-اجەلەرىنىڭ ءتار­بيەسىندە بولادى. وسى جەردە بالا-باقشاعا بارعان بالامەن, بارماعان بالانىڭ اراسىندا, اسپان مەن جەردەي ايىر­ماشىلىق بولادى. بارلىق بالا مەكتەپ قابىرعا­سىندا 1-سىنىپتىڭ تابالدىرىعىن اتتايدى, وسى جەردە تەڭدىك پايدا بولادى,مەكتەپ تابالدىرىعىن ات­تا­عان ءبۇلدىرشىن ادەتتەگىدەي «ءالىپ­پەنى» ۇيرەنەدى, 42 ءارىپتى ۇيرەنگەن ءبۇلدىرشىن «الىپپەمەن» قوشتاسۋ سالتاناتتى كەشىنە دايىندالادى, بۇل بالا ءۇشىن ومىرىندەگى قىزىقتى ءارى قۋانىش­تى ساتتەردىڭ ءبىرى. سول ءۇشىن دە 1-سىنىپقا «الىپپە» وقۋ­لى­عىنىڭ قايتا ەن­گىزۋ وتە ورىندى. ساعىندىق جاقسىمبەتوۆ, ءۇستىرت ورتا مەكتەبىنىڭ مۇعالىمى ماڭعىستاۋ وبلىسى, بەينەۋ اۋدانى