راقىمشىلىققا ىلىككەندەر جۇمىسسىز قالمايدى

حاكىم اباي جۇمىسى جوق­تىق ادام بالاسىن ازدى­رىپ جىبەرەتىنىن ايتىپ كەت­تى ەمەس پە؟! ەش ۋاقىتتا ەسكىر­مەيتىن, ءمانى مەن ماڭىزىن جوعالت­پايتىن قۇندى ءسوز وسىنداي-اق بولار. ءبىر ويدى ەكىنشى ءبىر وي قوزعايدى. دۇنيەگە پەرىشتەدەي پاك كۇيىندە كەلگەن ادام كە­يىن نەگە قىلمىس جاسايدى؟ ونىڭ باستى سەبەبىنىڭ ءبىرى – جۇمىس­سىزدىق دەسەك اقيقاتتان اتتامايمىز. قىلمىستىڭ اتى – قىلمىس. كىم دە بولسا جاساعان قىلمىسىنىڭ جەڭىل, ورتا جانە اۋىر دەلىنەتىن تۇرلەرىنە قاراي ءتيىستى جازاسىن الماق. «بيدايدىڭ باراتىن جەرى – ديىرمەن» دەگەندەي, قىلمىس جاساعانداردىڭ باراتىن جەرى – قىلمىستىق اتقارۋ جۇيەسى بولماق. بيىل وسىنداي ورىنداردا جازاسىن وتەپ جۇرگەندەردىڭ بىرقاتار بولىگىنە راقىمشىلىق جاسالدى. بوستاندىققا شىق­قان­نان كەيىنگى ولاردىڭ تاع­دى­رى قانداي بولماق؟ قايتا­دان قاتەلىككە ۇرىنىپ ءجۇر­مەي مە؟ ءبىر نارسە ايقىن. باس بوستاندىعىنان ايىرۋ ورىن­دارىنان بوساتىلعاندار ءتيىستى جۇمىسپەن قامتىلسا, بۇلايشا الاڭداۋعا نەگىز جوق. سوندىقتان دا ونىڭ وزەكتى­لىگىن تەرەڭ تۇيسىنە بىلگەن اقتوبە وبلىستىق جۇمىس­پەن قامتۋ جانە الەۋمەتتىك باع­دار­لامالار باسقارماسى راقىم­شىلىققا ىلىككەندەردى جۇمىسپەن قامتۋ شارالارىن بەلگىلەپ جۇزەگە اسىرۋدا. اتالعان باسقارما باسشىسى قايرات وتاروۆتىڭ ايتۋىنشا, بۇل قاتارداعى ازاماتتاردىڭ تىزىمدەرى اقتوبە قالاسىنداعى جانە وبلىس اۋداندارىنداعى جۇمىسپەن قامتۋ ورتالىقتارىنا جولدان­عان. كوڭىلگە مەدەۋ تۇتارلىق ءجايت. ولارعا قايتا وقىتۋ جانە جۇمىسقا ورنالاستىرۋ مۇمكىندىكتەرى ۇسىنىلىپ وتىر ەكەن. ءسىرا, بارەكەلدى دەگەن قوشتاۋ مەن قوستاۋ سەزىمى ءدال وسىنداي جاعدايدا بىلدىرىلەتىن شىعار. ناقتى دەرەكتەر بيىلعى جىلى ماماندىقتارىن قايتا دايارلاۋعا جولداناتىن 757 ادامنىڭ اراسىندا راقىمشىلىققا ىلىككەندەر دە از ەمەس ەكەنىن كورسەتەدى. بۇل ءوزى وتە نازىك شەتىن ماسەلە دەۋگە بولادى. ازاماتتىق ءتارتىپ پەن رەجىمنەن قول ءۇزىپ قالعاندار ەشتەڭەگە سەلت ەتپەي, قولىن ءبىر-اق سىلتەۋى ابدەن مۇمكىن. مۇن­دايدا ولار­مەن ورتاق مامىلەگە كەلە ال­ساڭىز جاق­سى, ال ەگەر بۇلاي بولماعان جاع­دايدا ىزگى نيەت بىردەن اياققا تاپتالماسى­نا كىم كە­پىل؟ ارينە, مۇنداي تەرىس كورىنىسكە جول بەر­مەۋدىڭ باستى جولى ءوزارا ۇنقاتىسۋ عوي. مۇن­داي ديالوگ, اسىرەسە, باس بوستاندىعىنان ايىرۋ ورىندارىنان ازاپ ومىرگە ورالۋعا ءازىر­لەنىپ جاتقاندار ءۇشىن وتە قاجەتتى ەكەنى ايان. وسى ورايدا اقتوبە ايماعىندا بيىل­عى جىلى قىلمىستىق اتقارۋ جۇيەسى دەپار­تامەنتى, اقتوبە قالالىق جۇمىسپەن قامتۋ جانە الەۋمەتتىك باعدارلامالار ءبولى­مى بىرلەسىپ ۇيىمداستىرعان بەلسەندى ءىس-شارالار كەشەنى ناقتى ناتيجە بەرە باس­تاعا­نىن ايتۋ پارىز. وسى ورايدا ازامات­تىق ومىرگە قايتادان اتتانعالى وتىرعان­دار­مەن سۇراق-جاۋاپ ۇلگىسىندە وتكىزىلگەن كەز­دە­­سۋلەردىڭ پايداسى مول بولعانى باي­قالادى. جىل باسىنان بەرى جۇمىسپەن قامتۋ ورتا­لىقتارىنا وسى ماسەلە بويىنشا راقىم­شىلىققا ىلىككەندەر مەن جازاسىن تولىق وتەگەندەر, سونداي-اق, پروباتسيا قىزمەتىنىڭ ەسەبىندە تۇرعان تۇلعالار ءتيىستى وتىنىشتەر ءبىلدىرۋى – الدىڭعى پىكىرىمىزدىڭ باستى دالەلى. بۇگىنگى كۇنى اتالعان ساناتتاعى 172 ادام جۇمىسقا ورنالاستىرىلىپتى. ال 6 ادام قايتا دايارلاۋعا جىبەرىلگەن. ءتىپتى, بوس­­تاندىققا شىققانداردىڭ اراسىندا «جۇمىسپەن قامتۋدىڭ-2020» باعدارلاماسى اياسىندا شاعىن نەسيە الىپ, ءوز كاسىبىن اش­قاندار دا بار بولىپ شىقتى. قىسقاسى, قازىر وڭىردە باس بوستاندىعى­نان ايىرۋ ورىندارىنان بوساتىلعان جانە پروباتسيا قىزمەتىنىڭ ەسەبىندە تۇرعان­دار مەملەكەتتىڭ تيگىزگەن شاپاعاتىن سەزى­نىپ وتىر دەي الامىز. بۇگىنگى كۇنى ولارعا قا­تىستى الەۋمەتتىك وڭالتۋ بويىنشا ءجۇر­گىزىلىپ كەلگەن جۇمىستار ودان ءارى جالعاسۋدا. اقتوبە وڭىرىندە راقىمشىلىققا ىلىككەندەر جۇمىسسىز قالمايدى دەپ ناقتى تۇجىرىم جاساۋىمىزدىڭ باستى ءمانىسى دە وسىندا. تەمىر قۇسايىن, «ەگەمەن قازاقستان» اقتوبە