انا مەن بالا ولىمىنە كىنالىلەر جاۋاپ بەرەدى

اتىراۋدا انا مەن بالا ءولى­مىنە سەبەپشى بولعان دارىگەرلەر جاۋاپكەرشىلىككە تارتىلادى. بۇل تۋرالى وبلىستىق ءماسليحات سەسسياسىندا ايماقتىڭ باس ءدا­رىگەرى امانبەك جۇمىروۆ بايان­دادى. وتكەن جىلدىڭ جەل­توقسان ايىندا يندەر اۋدانىنىڭ 32 جاستاعى تۇرعىنى گۇلدانا جە­كەنوۆا وب­لىس ورتالىعىندا ءنا­رەس­تەسىمەن بىرگە قاي­تىس بول­عان ەدى. ارتىندا جارى مەن ءۇش بالاسى قالدى. قايعىلى وقي­عادان كەيىن مارقۇمنىڭ وت­باسى مەن تۋما-تۋىستارى اق حا­لاتتىلاردىڭ ۇستىنەن شا­عىم­داندى. وسى جاعداي بوي­ىن­شا تاۋەلسىز ساراپشىلار جۇ­­مىس جۇرگىزىپ, مەديتسينا قىز­مەتكەرلەرىنىڭ تاراپىنان كەمشىلىكتەر بولعانىن كورسەتتى. بۇل ماسەلەمەن وبلىستىق ىشكى ىستەر دەپار­تامەنتى اينالىسىپ جاتىر. «جىلىوي, ماحامبەت, ين­دەر اۋدان­دارىندا بەس انا ءولىمى تىركەلدى, – دەدى وب­لىس­تىق دەنساۋلىق ساقتاۋ باس­­­قارماسىنىڭ باسشىسى ا.جۇمىروۆ. – ونىڭ ەكەۋى ونكو­لوگيالىق, ءۇش جاعداي ينفەك­تسيانىڭ اۋىر ءتۇرى سالدارىنان بولدى. قازىر ايماقتاعى گينەكولوگ, رەانيماتولوگ ماماندار قايتا وقىتىلىپ, بىلىكتىلىكتەرىن كوتەرىپ جاتىر». جالپى, مەديتسينا سالاسىنىڭ ماتە­ريالدىق-تەحنيكالىق دامۋىنا وتكەن جىلى 1 ملرد تەڭگەدەن استام قارجى بولىنگەن ەدى. اتالعان قارجىعا جەدەل جاردەم كولىكتەرى جاڭارتىلدى. «كەزەكسىز ەمحانا» جۇيەسى ەن­گىزىلدى. دارىگەرلىك كومەك كورسەتۋ ساپاسى جىل سايىن جاقسارىپ كەلە جاتقانىمەن, پروبلەمالىق تۇستار ءالى دە بار. قازىردىڭ وزىندە وبلىسقا 111 دارىگەر قاجەت. باقىتگۇل باباش, «ەگەمەن قازاقستان» اتىراۋ