اقتوبەدە اۆتوبەكەتتەر از

«وتكەننىڭ ءبارى جاسىق ەمەس, بۇگىنگىنىڭ ءبارى اسىل ەمەس». كە­ڭەستىك كەزەڭدە رەسپۋبلي­كامىز­دىڭ بارلىق اۋداندارىندا تيپتىك ۇلگىدەگى اۆتوبەكەت­تەر بولۋشى ەدى. ەلىمىز جاڭا مەنشىك قاتىناستارىنا كوشكەن كەزدە ونىڭ ءبارى جويىلىپ كەتتى. بىرقاتارىنىڭ قىزمەت ءتۇرى جەكەشەلەندىرىلگەننەن كەيىن وزگەرسە, تاعى ءبىرى يەسىز قالدى. بۇگىنگىنىڭ بيىگى­نەن كوز تاستاعاندا اۋدان ورتا­لىق­تارى مەن ەلدى مەكەندەردە اۆتوبەكەتتەردىڭ قاجەتتىلىگى ايقىن بايقالىپ وتىر. ويتكەنى, تۇر­عىندار تاراپىنان باعاسى قولجەتىمدى اۆتوبۋس قىزمەتىن پاي­­دالانۋعا دەگەن سۇرانىس بۇ­رىن­عى دەڭگەيدەن وسە ءتۇس­پەسە, ءبىر مىسقال كەمىمەگەنى بايقالادى. ويتكەنى, جۇرتتىڭ ءبارى بىردەي تاكسيمەن نەمەسە جەكە اۆتوكولىگىمەن جۇرمەيتىنى بەسەنەدەن بەلگىلى. سوندىقتان قازىرگى كەزدە ءار­تۇرلى جاعدايلارعا بايلانىس­تى جويىلىپ كەتكەن اۆتو­بەكەت­­تەردى قايتادان قالپىنا كەل­تىرۋ قاجەت­تىلىگى تۋىنداپ وتىر. مىسالى, اقتوبە ايما­عىندا جالعىز عانا اۆتوبەكەت جۇمىس ىستەيتىنىنە كوز جەتكىزدىك. ونىڭ ءوزى وبلىس ورتالىعىندا ورنالاسقان. ال اۋدان ورتالىقتارىندا ءجىبى ءتۇزۋ اۆتو­بەكەت جوق ەكەنىن نەمەن ءتۇ­سىن­دىرۋگە بولادى؟ قازىرگى نارىق­­تىق قارىم-قاتىناستار جاع­­دايىندا ونى ورنىقتىرۋ مەن قاي­تا جاڭعىرتۋدىڭ جولدارى قانداي بولماق؟ اشىعىن ايتقاندا, بۇگىندە ءىرى ەلدى مەكەندەردە بولۋعا ءتيىستى اۆتوبەكەتتەردىڭ ورنىن كاسسا نۇكتەلەرى اتقارىپ تۇر. مۇنىمەن ءىس وڭعارىلا ما؟ ەكونوميست مامانداردىڭ مالىمدەۋىنشە, اۆتوبەكەت ءۇل­گىسىندەگى قۇرىلىمدار مەن­شىك يەلەرىنە تەك پايدا, ءتيىم­دىلىك اكەلەتىن نىساندار قاتا­رىنا كىرەدى. ەندەشە, وسى ءمۇم­كىندىكتى جىبەرىپ الماۋدىڭ جولدارىن ىزدەستىرۋ ءجون بولماس پا؟ ءتىپتى, الىسقا بارماي-اق, اتالعان ماسەلەنى جولاۋشى تاسىمالداۋشىلاردىڭ ەسەبىنەن دە شەشۋگە بولاتىنى تالاس تۋعىز­بايدى. سونداي-اق, جەر­گىلىكتى وكىلەتتى ورگاندار بيزنەس وكىلدەرىمەن ور­تاق ۇيعارىمعا كەلۋ ارقىلى ­اۆتوبەكەت نىساندارىن تۇرعىزا الا­تىنىنا شاك كەلتىرمەيمىز. بۇل ارا­دا بار گاپ – ىزدەنىستە, ءىستىڭ كو­زىن تابا بىلۋدە بولسا كەرەك. تۇرعىندارعا كورسەتىلەتىن قانداي قىزمەت ءتۇرى بولماسىن, بۇگىنگى كۇن تالاپتارىنان كەيىن قال­ماۋى, اسىرەسە, سەر­ۆيستىك قىزمەت دەڭگەيى جوعا­رى بولۋى قاجەت. ال ەل ءىشىن­دە باياعى كەڭەستىك كەزەڭدە ءجيى پايدالانىلعان سارى ءتۇستى, سالونى قۇرقىلتايدىڭ ۇياسىنداي تار «پازيكتەردىڭ» ءتۇتىنى بۋداق­تاپ, ءالى جۇرگەنىنە قالايشا قىن­جىلماسسىڭ. اقتوبە وڭىرىندە دە مۇنداي كورىنىستەر كەزدەسىپ قالادى. ياعني مەنشىك يەلەرى ءارتۇرلى جاۋاپ­كەرشىلىگى شەكتەۋلى سەرىك­تەستىكتەر مەن اكتسيونەرلىك قو­عام­داردىڭ اۆتوبۋس پاركتەرىن جاڭ­عىرتۋعا نەمقۇرايلى, سەلقوس قارايتىنىن كورسەتەدى. تەمىر قۇسايىن, «ەگەمەن قازاقستان» اقتوبە