قازاقستاندا ينفلياتسيا 0,8%-دى قۇرادى

قازاقستاندا 2017 جىلى ينفلياتسيا 0,8% قۇرادى, دەپ حابارلادى ۇلتتىق ەكونوميكا مينيسترلىگىنىڭ ءباسپاسوز قىزمەتى. «باعا ازىق-ت ۇلىك تاۋارلارىنا وتكەن ايدا 1,2%, ازىق-ت ۇلىك ەمەس تاۋارلارىنا – 0,7%, اقىلى قىزمەتتەرگە – 0,4%-عا ءوستى.وتكەن ايدا باعانىڭ ءوسۋى كارتوپقا 6,9%, جاڭادان جينالعان كوكونىستەرگە – 6,7%, جاڭادان جينالعان جەمىستەرگە – 1,7%, ءسيىر ەتىنە – 1,5%, كوسەرۆىلەنگەن سۇتكە – 1,3%, مايەكتى ىرىمشىككە – 1,2%, قارا شايعا – 1,1%, سارى مايعا – 1%, كونديتەرلىك ونىمدەرگە – 0,9%, قۇس ەتىنە – 0,8%-عا بەلگىلەندى. باعانىڭ تومەندەۋى قانتقا, قاراقۇمىق جارماسىنا 0,8%-دان, جۇمىرتقاعا – 0,2%-عا تىركەلدى», - دەلىنگەن حابارلامادا. باعا ءوسىمى باللونداعى سۇيىتىلعان گازعا 3,4%, بەنزينگە – 2,1%, اۆتوموبيلدەرگە – 1,4%, گازەتتەر, كىتاپتار جانە كەڭسە تاۋارلارىنا – 0,9%, شىنى جانە قىشتان جاسالعان ونىمدەرگە, فارماتسەۆتيكالىق ونىمدەرگە, تۇرمىستىق اسپاپتارعا – 0,8%-دان, جۋعىش جانە تازالاعىش قۇرالدارعا – 0,7%, جيھاز جانە ۇيگە قاجەتتى زاتتارعا, توقىما بۇيىمدارىنا – 0,6%-دان, جەكە قولداناتىن تاۋارلارعا – 0,5%-دى قۇرادى. قۇقىقتىق قىزمەتتەر ءۇشىن تولەم 7%, كولiك قۇرالدارىن ساقتاندىرۋ – 6,8%, دەمالىس, ويىن-ساۋىق جانە مادەنيەت سالاسىنداعى قىزمەتتەر – 1,2%, دەنساۋلىق ساقتاۋ قىزمەتتەرى – 1%-عا ءوستى. قالاارالىق اۆتوبۋسپەن جول ءجۇرۋ اقىسى 1,8%-عا قىمباتتادى, ال اۋە كولىگىمەن – 8,6%, الىس قاشىقتىققا قاتىنايتىن جولاۋشىلاردىڭ تەمىر جول كولىگىمەن – 1,9%-عا ارزاندادى. تۇرعىن ءۇي-كوممۋنالدىق قىزمەتتەر سالاسىندا تاريفتەر كارىزگە 5,6%, ەلەكتر ەنەرگياسىنا – 1,3%, سۋىق سۋعا – 0,5%-عا جوعارىلادى.