استانا قالاسىنىڭ قارجى باسقارماسىنىڭ مالىمەتىنشە, 2015-2019 جىلدارعا ارنالعان «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىن ىسكە اسىرۋعا 29 859,4 ملن.تەڭگە سومادا بيۋدجەتتىك قاراجات ءبولىندى, ونىڭ ىشىندە يگەرىلگەنى 29 773,4 ملن.تەڭگە (99,7%), دەپ حابارلادى ەلوردا اكىمدىگىنىڭ ءباسپاسوز قىزمەتى.
قارجى جىلۋمەن – سۋمەن جابدىقتاۋ جانە سۋ بۇرۋ جۇيەلەرىن قايتا قالپىنا كەلتىرۋ مەن سالۋعا, ينجەنەرلىك – كوممۋنيكاتسيالىق ينفراقۇرىلىمدى جوبالاۋ, دامىتۋ جانە (نەمەسە) ورناتۋعا, باستاۋىش, نەگىزگى ورتا جانە جالپى ورتا ءبىلىم بەرۋ وبەكتىلەرىنىڭ قۇرىلىسى جانە قايتا قالپىنا كەلتىرۋگە جۇمسالدى.
داعدارىسقا قارسى شارالاردى ىسكە اسىرۋ ماقساتىندا مەملەكەتتىك جانە ۇكىمەتتىك باعدارلامالاردى ىسكە اسىرۋ بارىسىندا تۇرعىن ءۇي قۇرىلىسىن قارجىلاندىرۋ ماقساتىندا قاراجاتتار تارتۋ ءۇشىن وبلىستاردىڭ, استانا جانە الماتى قالالارىنىڭ جەرگىلىكتى اتقارۋشى ورگاندارىمەن مەملەكەتتىك باعالى قاعازداردى شىعارۋ كوزدەلدى.
