جامبىل وبلىسىندا 50 اۋىل شارۋاشىلىعى كووپەراتيۆى قۇرىلدى

جامبىل وبلىسىندا 50 اۋىل شارۋاشىلىعى وندىرىستىك كووپەراتيۆى قۇرىلدى, دەپ حابارلادى وڭىرلىك كوممۋنيكاتسيالار قىزمەتى. وبلىستىڭ اۋىل شارۋاشىلىعى قۇرىلىمدارى اراسىندا اگروونەركاسىپ كەشەنىن جانە اۋىلدىق اۋماقتاردى دامىتۋدىڭ مەملەكەتتىك ساياساتىن ىسكە اسىرۋ شەڭبەرىندە اۋىل شارۋاشىلىعى كووپەراتيۆتەرىن قۇرۋدى ىنتالاندىرۋ ماقساتىندا ءتۇسىندىرۋ جۇمىستارىن جۇرگىزۋگە جەرگىلىكتى بيۋدجەتتەن 7 ملن 540,0 مىڭ تەڭگە قاراجات ءبولىنىپ, «قازاق اگرارلىق-ونەركاسىپتىك كەشەنىنىڭ ەكونوميكاسى جانە اۋىلدىق اۋماقتاردى دامىتۋ عىلىمي زەرتتەۋ ينستيتۋتى» جشس ماماندارىمەن بىرلەسە وتىرىپ, شارۋاشىلىقتار اراسىندا اۋىل كووپەراتسيالارىنىڭ قاعيداتتارى مەن تەتىكتەرى تۋرالى ءتۇسىندىرۋ جۇمىستارى جۇرگىزىلدى. اۋدانداردا شارۋاشىلىق جەتەكشىلەرىمەن جالپى 44 سەمينار-كەڭەستەر وتكىزىلىپ, 1000-عا جۋىق ارنايى ازىرلەنگەن كىتاپشالار مەن بۋكلەتتەر تاراتىلدى. ناتيجەسىندە بۇگىنگى كۇنى وبلىستا 27 اۋىل شارۋاشىلىعى وندىرىستىك كووپەراتيۆتەرى قۇرىلىپ, ادىلەت باسقارماسىنان تىركەۋدەن وتسە, 23 اۋىل شارۋاشىلىعى كووپەراتيۆتەرى قايتا تىركەۋدەن ءوتىپ, وبلىستا بۇگىنگى كۇنى 700-گە جۋىق ۇساق شارۋاشىلىقتار مەن جەكە قوسالقى شارۋاشىلىقتار مۇشەلەرى بىرىكتىرىلىپ, 50 اۋىل شارۋاشىلىعى وندىرىستىك كووپەراتيۆى قۇرىلعان. سونىمەن قاتار, وبلىستا ءسۇت كلاستەرى بويىنشا 2 اۋىل شارۋاشىلىعى وندىرىستىك كووپەراتيۆى قۇرىلىپ, قۇرامىنا 57 شارۋاشىلىق بىرىككەن. ەگىن شارۋاشىلىعى باعىتىندا 36 كووپەراتيۆ قۇرامىنا 631 شارۋاشىلىق بىرىكسە, مال شارۋاشىلىعى باعىتىندا 6 اۋىل شارۋاشىلىعى وندىرىستىك كووپەراتيۆ قۇرامىنا 68 شارۋاشىلىق بىرىككەن. «اۋىل تۇرعىندارىن تۇراقتى جۇمىسپەن قامتۋ جانە اۋىل شارۋاشىلىعى ونىمدەرىنىڭ ءوندىرىس كولەمىن ارتتىرۋ ماقساتىندا جەكە قوسالقى شارۋاشىلىقتاردىڭ الەۋەتىن پايدالانۋ ەسەبىنەن ازىق-ت ۇلىك قاۋىپسىزدىگى ماسەلەلەرىن شەشۋ» جوسپارى بويىنشا وبلىستا ءسۇت باعىتىندا 2 اۋىل شارۋاشىلىعى وندىرىستىك كووپەراتيۆى قۇرامىنا 50 جەكە قوسالقى شارۋاشىلىق مۇشەلىككە تىركەلسە, ەت باعىتىندا 4 اۋىل شارۋاشىلىعى وندىرىستىك كووپەراتيۆى قۇرامىنا 116 جەكە قوسالقى شارۋاشىلىق بىرىككەن. سونداي-اق, اعىمداعى جىلى وبلىس بويىنشا 40 اۋىل شارۋاشىلىعى وندىرىستىك كووپەراتيۆتەرىن قۇرۋ جوسپارلانىپ وتىر. ونىڭ ىشىندە 6-ى جەكە قوسالقى شارۋاشىلىقتى بىرىكتىرۋ ارقىلى ەت, ءسۇت, كوكونىس, قۇس شارۋاشىلىعى ءوسىرۋ باعىتىنداعى اۋىل شارۋاشىلىعى وندىرىستىك كووپەراتيۆتەرىن قۇرۋ.