پويىز جولاقىسى ەكسپو بيلەتىنىڭ ىشىنە كىرەدى

«استانا ەكسپو-2017» ۇلتتىق كومپانياسى تەمىر جولمەن ساپارلارعا حالىقارالىق كورمە بيلەتىنىڭ قۇنىن قوسۋ تەتىكتەرىن قاراستىرىپ جاتىر,  دەپ حابارلايدى قازاقپارات. دەگەنمەن, ەكسپو-عا بارۋعا نيەتتى ەمەس ازاماتتارعا بيلەت باعاسى وسپەيدى. «قازاقستان تەمىر جولى» كومپانياسىمەن كەلىسىمدى بەكىتتىك. ولار ءوز كەزەگىندە بيلەتتەردىڭ ءتيىستى كولەمىن الدى. ەندى ولار پويىزبەن تاسىمالداۋ قۇنىنا قوسارلاپ ساتۋى مۇمكىن. بۇگىندە بيلەت قۇنىن قوسا ەسەپتەۋدىڭ تەتىكتەرىن قاراستىرىپ جاتىرمىز. ياعني, استانا باعىتىندا تەمىر جول بيلەتىن ساتىپ الۋ كەزىندە پويىز بيلەتىنە قوسىمشا ەكسپو كورمەسىنە دە بيلەت بەرىلەدى», دەدى «استانا ەكسپو-2017» ۇك» اق كوممەرتسيالاۋ دەپارتامەنتىنىڭ ديرەكتورى داۋلەت ەركىمباەۆ. «جالپى, وسى باعىتتا بيلەت باعاسى وسەتىن بولادى, الايدا جولاۋشى ەكسپو-عا بارعىسى كەلمەسە, وندا پويىز بيلەتى بۇرىنعى سومادا ساتىلادى. ال ەگەر دە حالىقارالىق كورمەگە بيلەتتى قوسارلاپ السا, جالپىلاي العاندا بيلەت قۇنى ارزانعا تۇسەدى», دەپ ناقتىلادى ول. ونىڭ سوزىنە قاراعاندا, بۇگىندە 610 مىڭعا تارتا بيلەت ساتىلىپ, سونىڭ 12 پايىزعا جۋىعىن شەتەلدىكتەر الدى. بيلەتتىڭ قۇنى 4 مىڭنان باستالىپ, 8 مىڭعا دەيىن جەتەدى.