وتكەن 2016 جىلى حالىقتان قارۋ-جاراق پەن وق-ءدارى ساتىپ الۋ ناۋقانى اياسىندا سولتۇستىكقازاقستاندىقتار 272 اتىس قارۋىن ەرىكتى تۇردە وتكىزدى, دەپ حابارلايدى وبلىستىق ىشكى ىستەر دەپارتامەنتىنىڭ ءباسپاسوز قىزمەتى. پوليتسياعا وبلىس تۇرعىندارىنان 245 ءوتىنىم كەلىپ تۇسكەن. ناتيجەسىندە 12,5 ملن تەڭگەدەن استام سوماعا 272 قارۋ مەن 2300 ءيىر ويىقتى مىلتىق وعى ەرىكتى تۇردە تاپسىرىلعان. ولاردىڭ باسىم بولىگىن تەگىس ۇڭعىلى قارۋ قۇرايدى. «12 اي قورىتىندىسى بويىنشا, شامامەن 8 مىڭعا جۋىق قارۋ يەلەرى تەكسەرىلدى. قارۋدى ساقتاۋ, الىپ ءجۇرۋ, تىركەۋ جانە قايتا تىركەۋ ءتارتىبى بويىنشا 560 اكىمشىلىك قۇقىقبۇزۋشىلىق انىقتالدى. زاڭسىز ساقتالعان 55 دانا قارۋ اينالىمنان شىعارىلدى», – دەدى سقو ءىىد اكىمشىلىك پوليتسيا باسقارماسى باسشىسىنىڭ ورىنباسارى بولات جەكسەمبينوۆ. ايتا كەتەيىك, پوليتسەيلەر قارۋدى ەرىكتى تۇردە تاپسىرعانداردىڭ قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ەستەرىڭىزگە سالادى.
