سال اۋرۋىنا ارنالعان قوندىرعى

مۇمكىندىگى شەكتەۋلى جاننىڭ ىشكى جان-دۇنيەسىن جانە وعان قانداي جولمەن قول ۇشىن بەرۋ كەرەك ەكەندىگىن تەك وسى توپتىڭ وكىلى تاپ باسا الاتىن شىعار. وسى ورايدا مۇمكىندىگى شەكتەۋلى جان, ەسىمى ورال وڭىرىنە كەڭىنەن تانىمال كاسىپكەر ءبىرجان قوجاقوۆتىڭ سال اۋرۋىنا ۇشىراعان بالالارعا ارنالعان قوندىرعى ويلاپ شىعارعانىنا دا وسىنداي ىزگىلىك تۇرعىسىنان قاراعان ءجون سەكىلدى. ول دەنە تۇرقىن يكەمگە كەلتىرۋ ءۇشىن ءار ءتۇرلى  ارناۋلى قوندىرعىلار قاجەت دەپ ەسەپتەيدى. ءبىرجان بۇل ويىن تەك وي تۇرىندە قالدىرماي, تىكەلەي ىسكە اسىردى. اشىعىن ايتقاندا, ەلىمىزدە مۇنداي قۇرىلعى شىعارىلمايدى. بۇل جونىنەن الدىمەن رەسەيگە جانە تۇركيا مەن گەرمانياعا قا­رايلاپ كەلگەنىمىزدى جاسىرىپ قاي­تەمىز. ال ولار قازاقشالاپ ايتقاندا, اكەسىنىڭ قۇنىن سۇ­راي­دى. ونى تۇرمىسى تومەن, قا­راپايىم وتباسىلار مەن اتا-انا­لار­دىڭ قالتاسى كوتەرە بەرمەيدى. سوندىقتان ب.قوجاقوۆ وسى ولقى­لىقتاردىڭ ورنىن تولتىرۋ­دى كوزدەپ, ويلاعان ماقساتىنا جەت­تى. اياق-قولدى تىكتەۋگە جانە بى­لق-سىلق ەتكەن دەنەنى يكەمگە كەلتىرۋگە كومەگى تيەتىن قون­دىر­عىعا ول رەسەي ءوندىرىسىنىڭ كەي­بىر ولشەمدەرىن پايدالانعان. ءبى­راق ونى اجەپتاۋىر جەتىلدىرگەن, وعان فيكساتور قوسقان. ءسويتىپ, ءال­دە­قايدا يكەمدى, رەتتەۋشى تە­تىك­تەرى جەتىلدىرىلگەن قون­دى­ر­ع­ىنى ويلاستىرىپ شىعاردى. سو­عان قاراماستان بالالاردىڭ سال اۋرۋىن ەمدەۋگە ارنالعان وتاندىق قوندىرعىنىڭ باعاسى يمپورتتىق تاۋارلارمەن سا­لىس­تىرعاندا, 3-4 ەسە ارزان. قازاق­ستان­دىق قوندىرعىنىڭ تاعى ءبىر ەرەك­شە­لىگى, سال اۋرۋىنا ۇشى­را­­­عان سابيلەر مەن بالالاردى قو­سىم­شا قوندىرىلعان تەتىك­تىڭ كو­مەگى ارقىلى جاتقان جە­رى­نەن تۇرەگەلەتىن جاعدايعا اۋىس­تى­رۋعا بولادى. وسىنداي اي­رىق­­شا ستانوكتاردىڭ العاش­قى پارتياسىن كاسىپكەر ورال­دا­عى مۇمكىندىگى شەكتەۋلى بالا­لار­عا ارنالعان ينتەرناتقا اتتان­دىرعان. – مەنىڭ ماقساتىم – سال دەرتى­نە تاپ بولعان بالالاردىڭ اياق­تارىن تىك باسىپ كەتۋى ءۇشىن ورنىنان كوتەرىلۋگە كومەك بەرۋ. وسى تۇرعىدا ءبىز ويلاپ شىعارعان اپپارات-رەتتەۋشى ولارعا ءوز سەپ­تى­گىن تيگىزە الادى دەگەن ويدامىز, – دەيدى گازەت تىلشىسىنە ءبىرجان قوجاقوۆ. تەمىر قۇسايىن, «ەگەمەن قازاقستان» ورال