باتىر مەكتەبىنىڭ باتىر وقۋشىسى

بۇگىندە قارشاداي عالىمجاندى ماڭ­عىستاۋلىقتار باتىر بالا رەتىندە جاقسى تانيدى. قاراشانىڭ قارا سۋىعىندا مەكتەپتەن قايتىپ كەلە جاتقان ول تاياۋ ماڭداعى ۇيدەن شوشىنا ايقايلاعان بالالاردىڭ داۋىسىن ەستيدى. ءمان-جايدى بىردەن تۇسىنەدى – ءۇي ورتەنىپ جاتىر, ىشىندە بالالار قالعان بولۋى مۇمكىن. وسى ويمەن ءتۇتىنى بۋداقتاعان ۇيگە جۇگىرە جەتكەن عالىمجان الدىمەن تەرەزەنىڭ تورىن ج ۇلىپ الادى دا, قويۋ ءتۇتىن قۇشاعىنداعى ۇيگە قويىپ كەتەدى. ءۇي ىشىندە تۇنشىعا جىلاعان التى, بەس جانە ءتورت جاسار ءۇش بالانى الىپ شىعىپ, ءوز ۇيىنە الىپ كەلەدى. دەرەۋ جىلى كورپەمەن وراپ, سول ساتتە جۇمىستان كەلگەن اكەسىنە ءورت سوندىرۋشىلەرگە حابار بەرۋىن سۇرايدى. دابىل تۇسكەن سوڭ اسىعا جەتكەن ءورت سوندىرۋشىلەر ءتىلسىز جاۋ­دى اۋىزدىقتاپ ۇلگەرەدى. ءورت سەبەبى – ۇلكەندەردىڭ قاراۋىنسىز قالعان ءۇش ءسابي سىرىڭكەمەن ويناپ, وينىنان وت شىعارعان ەكەن. ەكىنشى دۇنيەجۇزىلىك سوعىستا ەرەن ەرلىك كورسەتىپ, كەڭەس وداعىنىڭ باتى­رى اتانعان جۇماعالي قالدىقاراەۆ اتامىزدىڭ اتى بەرىلگەن مەكتەپتىڭ 8-سىنىبىندا وقيتىن عالىمجان بۇل ەرلىككە شىرقىراعان سابيلەردى قۇتقارۋ ءۇشىن بارعانىن جانە ول ونىڭ ازاماتتىق بورىشى ەكەنىن ايتادى. «باتىر اتىنداعى مەكتەپتىڭ باتىر وقۋشىسى» دەيسىڭ وسىندايدا ريزالىقپەن. توتەنشە جاعدايلار دەپارتامەنتىنىڭ ارنايى سىيلىعىن الىپ, توسبەلگىسىن كەۋدەسىنە تاققان عالىمجان 2016 جىلدىڭ قورىتىندىسىندا «جىل ادامى» اتانىپ, «جىل ەرلىگى» اتالىمى بويىنشا ماراپاتتالدى. جەتكىنشەككە سىيدى ءوز قولىمەن تاپسىرعان ماڭعىستاۋ وبلىسىنىڭ اكىمى ا.ايدارباەۆ ونىڭ ەرلىككە تولى ءىسىن, ادامگەرشىلىگى مەن ەلجاندىلىعىن وزگەلەرگە ۇلگى بولۋعا لايىق دەپ اتاپ ءوتتى. ماڭعىستاۋلىقتار عالىمجانعا ريزا­شىلىقتارىن ءبىلدىرىپ, العىسقا تولى لەبىزدەرىن ارناۋدا. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى بەينەۋ اۋدانى